Eta orain zer?
Ez debekatzerakoan, ez baimentzerakoan, ez aholkuak ematerakoan, ez laguntzak eskaintzerakoan. Dantzaz ez dira akordatzen gure agintariak, ez osasun-arduradunak, ez kulturakoak, ez beste inor.
Nafarroan, Iparraldean eta EAEn, Euskal Herri osoan pandemiari aurre egiteko larrialdi neurri zorrotzak ezarri dituzte azken egunotan, eta dantzaren sektorea, berriz ere, noraezean, zer egin, nola jokatu asmatu ezinda. Inor ez zen akordatu dantzaz jarduerak baimentzen hasi zirenean. Dantza kinka oso larrian dago martxotik. Inork ez zion arretarik eskaini dantzari jarduerak berreskuratzeko protokoloak prestatu behar izan genituenean. Eta berriz ere murrizketak eta debekuak datozenean ere ez da inor gogoratu dantzarekin.
Bagara nor?
Kirola, ostalaritza, hezkuntza, garraioak edo hiletak kontuan hartzen dira, bakoitzean zer eta nola egin daitekeen, zer gomendatzen den, zer ez... argitzen, zehazten da, baina dantza ez da existitzen. Eta kontuan hartu beharko lukete, bai. Dantzak ez du kirolak duen ikusgaitasuna, ez ditu kirolak bezala komunikabideetako orduak eta orduak betetzen, ez da agintarien agenda publikoan agertzen, baina dantza gure gizarteko jarduera zabalduenetakoa da, hainbat estilo eta modalitatetan (euskal dantza, garaikidea, balleta, jazz, areto-dantzak, hip-hop,...), jarduera-eremu (dantza-talde, dantza-eskola, akademia, aisialdi talde, emakume-talde, jubilatu egoitza, gazteleku, gimnasio, negozio itxi zein plaza irekitan...) milaka praktikatzaile dituena, eta beraz, gorputz jarduera osasuntsu, sozial eta kulturala den neurrian, herritar askoren ongizate fisikoari eta psikologikoari eusten diona.
Ardura gure bizkar
Eredugarria izan da dantzaren sektoreak pandemiaren aurrean erakutsitako jokabide arduratsua. Aktibitateak eten lehenengo, konfinamenduko unerik gogorrenetan animoa eta bizi-pozari eusteko funtsezko baliabideak eskaini, eta online saioekin ahalegin izugarria egin ondoren. Inolako laguntzarik eta argibiderik gabe jarduerak berreskuratzeko protokoloak prestatu ditugu, baliabideak eskuratzeko (musuko eta gelez harago, ukatuak zitzaizkigun espazioen ordezkoak ere bilatuta) ahalegin handia egin da, taldeak murriztu (esfortzua hirukoiztuz...) dira... Eta batzuk ahalegin eta zailtasun izugarriekin dantza-praktika berreskuratu berri eta besteak berrartu nahian genbiltzala datoz murrizketak eta debekuak berriz ere. Eta hemen gaude, dantza-jarduerekin zer egin behar dugun asmatu ezinda orain ere, dena bertan behera utzi ala moldaketa gehiago (ba al dago?) egiten ahalegindu erabaki ezinda.
Beraz, bai, dantza bada nor, eta arren eta faborez, agintari eta teknikari arduratsuok. Sartu dantza zuen agendan!
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]