Atristain zigortu zuen auzia berrikustea ukatu du Espainiako Auzitegi Gorenak
Estrasburgoko auzitegiaren jurisprudentziari uko eginez, Espainiako Auzitegi Gorenak erabaki du ez duela berrikusiko Xabier Atristain espetxeratzea ekarri zuen auzia, zeinaren arabera 17 urteko kartzela zigorra jaso zuen.
Atristainek hamabi urte pasatu ditu Espainiako espetxeetan eta joan den otsailean utzi zuten libre, Europako Giza Eskubideen Auzitegiak –Estrasburgoko auzitegia moduan ere ezagutzen da– bere aldeko epaia eman ondoren. Funtsean, epaiak zioen Guardia Zibilak ez zuela azaldu zergatik inkomunikatu zuten atxiloaldian eta, ondorioz, zergatik ez zioten utzi bere konfiantzazko abokatua aukeratzen.
Atristainen deklarazioa giltzarri izan zen jarri zitzaion zigorrerako, eta Estrasburgoko auziaren arabera, hori egitean atxilotuaren oinarrizko eskubideak urratu ziren, beraz, auzia berrikusi beharko litzateke. Libre geratu ondoren, Atristainek espetxea ekarri zion auzia berraztertzeko galdegin zion Espainiako Auzitegi Gorenari, baina Goreneko fiskalak kasua ez berrestea eskatu dio auzitegiari eta honek onartu egin du bere tesia.
Bi aldiz aztertu dute Estrasburgon
Ez da erraz ulertzen oraingo gorenaren ebazpena, kontuan hartua Estrasburgok bi ebazpen izan dituela auzi honen inguruan. Lehenbizikoa urtarrilean jazo zen, ondoren Espainiako Abokatutzak helegitea jarri zion eta Estrasburgoko beste auzitegi batek atzera bota zuen.
Orain Auzitegi Gorenak dioenez, Estrasburgoko epaiak ez du zalantzan jartzen Espainiako legedia, ezta terrorismoaren akusaziopean atxilotutakoen inkomunikazioa, baldin eta hori behar bezala justifikatzen bada. Eta hori da hain zuzen Atristainen defentsak eta Estrasburgoko auziak diotena, ez zela behar bezala justifikatu.
Baina horrez gain, eta goreneko fiskalaren argudioei jarraituz, gorenak esan du Atristainen adierazpenez gain, beste froga asko zirela hura zigortzeko, besteak beste, auziko beste akusatuen adierazpenak, beste hirugarren batzuen adierazpenak, Guardia Zibilaren testigantzak, egindako miaketen ondorioak eta froga perizialak.
Doktrina indarrean da
Bitxia da gorenaren erabakia, batetik ebazpenaren ondoren Atristain libre utzi zutelako, eta gainera, Espainiako Auzitegi Nazionalak dagoeneko erabili duelako kasu honi lotutako jurisprudentzia. Horren ondorioz, Gorka Palacios eta Juan Carlos Iglesias absolbitu ditu azken hilabeteetan.
Lehendik bazen nahasmendu handia gaiaren bueltan, ez zelako samurra irudikatzen Atristain auziak nola eragingo zien beste ehunka zigorturi, haien zigorrak ere inkomunikazioa eta torturapean jasotako deklarazioan oinarritu baitziren. Orain are gehiago korapilatu da auzia.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]