ARGIA.eus

2022ko maiatzaren 24a

Polizia Gure Esku Dago ikertzen ari dela iradoki du Espainiako Gobernuak

  • Espainiako segurtasun indarren “zerbitzu antiterroristak” Gure Esku Dago ikertzen ari direla iradoki du Espainiako Gobernuak. Jon Iñarritu Amaiurreko diputatuaren galderari erantzunez, Guardia Zibilak eta Polizia Nazionalak “ETAren babeserako egiturek gizarte mugimenduetan duten eraginaz" informazioa biltzen dutela azaldu du Gobernuak.

Ekainaren 8ko giza-katearen bezperan Estatuko segurtasun indarrek Gure Esku Dago-ren inguruko txostenak egin zituela argitaratu zuen El Mundo-k. (Arg.: Amorebieta)
2014ko irailaren 16a

Ekainaren 8ko giza-katearen bezperan, El Mundo egunkariak argitaratu zuen segurtasun indarren zerbitzu antiterroristak Gure Esku Dago-ren inguruko hainbat txosten egin zituela. Txostenek ziotenez, “mugimendua ezker abertzaletik bereizi arren, indar politikoen metaketa helburu duen ezker abertzalearen 'Euskal Bidea' estrategiaren baitako ekimenetako bat da”.

Iñarrituk Espainiako Parlamentuan informearen inguruan galdetzean, exekutiboak erantzun du “Estatuko segurtasun indarren eginbeharra ETAren aurka borrokatzea dela, ez baita desegin eta ez baititu armak entregatu”.

Bestetik, Iñarrituk aipatutako txostena ez dela hedabideetara helarazi azaldu du Gobernuak.

Indar politiko legalen espioitza

Amaiurreko diputatuak indar politiko legalen inguruko espioitzaz ere galdetu dio Gobernuari. Gobernuak erantzun du Estatuko segurtasun indarrek ez dutela egin alderdi politikoen erregistroan dauden erakundeen gaineko ikerketarik, “are gutxiago espioitzarik”.

“Legez kanpoko jarduna egin dezaketen pertsona eta erakunde jakin batzuen inguruko ikerketa puntualak” epaile eta fiskalen eskariei erantzunez eta epaitegien kontrolpean egiten direla azaldu dute.

Kanal hauetan artxibatua: Gure Esku  |  ETA  |  Espainia  |  Polizia

Gure Esku kanaletik interesatuko zaizu...
2022-03-14 | ARGIA
Pirinioetako Bidea-n izena eman daiteke jada, autodeterminazio eskubidearen alde

"Pirinioetako Bidea 2022" ekimenaren baitan 300 gailur baino gehiago argiztatuko dituzte uztailaren 2an, Gure Esku, ANC eta Federacio d' Entitats Excursionistes de Catalunya elkarteek deituta. Ekimenean parte hartu nahi dutenek, zein mendi igoko duten aukera... [+]


2022-02-25 | ARGIA
Gure Eskuren 'Periskopioa' buletina, burujabetza prozesuen berri izateko

Telesforo Monzon eLab Euskal Herrigintza Laborategiak eta Gure Eskuk "Periskopioa" izeneko buletin digitala jarriko dute martxan. Burujabetza prozesuei buruzko buletin berezitua izango da.


Pirinioetako 300 gailur argiztatzeko deia, burujabetzarako herri gogoa berpiztu asmoz

Uztailaren 2an Pirinioetako 300 gailur elkarrekin argiztatzeko deia luzatu dute Euskal Herritik Gure Eskuk eta Kataluniatik ANC, Omnium eta Kataluniako Mendizaleen Federazioak. Euskal herritarrei 115 gailur dagozkie, baina antolakuntzatik nabarmendu dute argiztatzearen ekintza... [+]


Ehun pertsonalitateren babesarekin
Erabakitzeko eskubidea "lege bilakatzea" aldarrikatuz 'Arantzazuko adierazpena' aurkeztu du Gure Eskuk

Arantzazun bertan, gehiengo sozial bat islatu asmoz, ehun lagunen babesarekin Arantzazuko Adierazpena aurkeztu du Gure Eskuk. "Eskubideak ekinez lortzen dira", adierazi du Josu Etxaburu bozeramaileak, gizarteko alor guztietatik bultz egiteko dei eginez.


2021-07-12 | ARGIA
Pirinioak argiztatuko dituzte, Kataluniaren eta Euskal Herriaren autodeterminazioa errespetarazteko

Elkarlean, Gure Esku-k, ANCk eta Federacio d' Entitats Excursionistes de Catalunyak antolatzen dute ekimena.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude