Estatuak ukatua, EEPk partez bermatua
Euskararen Erakunde Publikoak (EEP) hartu du bere gain, Seaskak ikasturte honetarako premiazko dituen 4,5 irakasle lanpostuak. Frantziako Estatuaren Hezkuntza ministerioak uko egin zion ikasturte hasieran.
Diru-laguntza 135.000 eurokoa izanen da. Alabaina, berau indarrean izan dadin, lehenik, diru-laguntzaren aurrekontua onartua izateko izapideak bete behar dira.
EEPren lehendakari Beñat Arrabiteren erranetan “berria oso ona da, aro berri batean sarten ari garen seinalea”. Lanpostu horien diru-laguntza. Akitania Eskualdeko, Pirinio Atlantikoetako Departamenduko eta Euskal Elkargoko ordezkariek bozkatu dute aho batez. Jonathan Hervé eta Pierre Barrière Pirinio Atlantikoetako akademiaren ikuskatzaileak izan ziren Estatuaren izenean.
Hur Gorostiaga Seaskaren zuzendariak adierazi duenez, “egoera desblokeatzea espero dugu”. Izan ere, ikastolen federazioak Frantziako Hezkuntza ministerioari 25 lanpostu eskatu zizkion ikasturte berriaren hasieran, baina Estatuak ez zion onartu.
Seaskak hirurteko akordioa plangintza aurkeztu zion Hezkuntza ministerioari. Estatuaren aldetiko nolabaiteko aldaketa hau ikusirik, akordioa “ahal bezain fite gauzatzea hobe” erran du Gorostiagak. Hartara, Seaskak datorren ikasturteko beharrak ondo planifikatu litzake. Ikastolek langileen kopurua aregao handitzea iragarri baitute.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.