Espainiar poliziak EAEn mantentzeak Estatutua urratzen du, Erkorekaren hitzetan
Espainiako Barne ministro Jorge Fernández Díaz Euskal Herrira etorri eta Gernikako Estatutua betetzeko asmorik ez duela esatea "ez da onargarria", Jaurlaritzako bozeramaile Josu Erkorekak adierazi duenez.
Donostian izan zen Díaz astelehenean, Espainiako Poliziaren koartel berriaren inaugurazioan. Estatuko Segurtasun Indarrek "EAEn eta Nafarroan" jarraituko dutela esan zuen. Dioenez, haien presentziak ekarri du "ETAren porrota", eta hura desegin arte bertan mantenduko dira poliziak.
Erkorekaren hitzetan "ulertezina da ETA garaitua izan dela esan eta hura disolbatu arte Gernikako Estatutua beteko ez dutela gaineratzea; aitzakia horrek ez du inolako oinarririk".
Jaurlaritzako bozeramaileak gogorarazi du Espainiako 8.000 polizia eta Guardia Zibil daudela EAEn. "Ez dakigu zertan ari diren lanean", adierazi du. "ETAk armak utzi eta segurtasun indarrak euren dispositiboak desaktibatzen ari diren honetan, agente kopurua neurrigabea da".
Espainiako Barne ministroak erantzun dio 4.229 agente dituztela EAEn, 2.780 guardia zibil eta 1.449 polizia nazional, urtarrilaren 31ko datu ofizialen arabera.
Informazio gehiago:
Beltran de Herediak eta Fernández Díazek izandako bilerari buruzko albistea Eusko Jaurlaritzaren webgunean (2014-03-17).
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
Tiroa “ustekabekoa” izan zela adierazi du Eusko Jaurlaritzako Segurtasun Sailak. Batek belaunean zuen zauria eta besteak eskuan.