GAL

GAL jada “epaituta” dagoela esanez, PSOEk eta PPk González ikertzeari ateak itxi dizkiote Espainiako Senatuan

  • “Ikertuta eta epaituta” omen dagoela aitzakiatzat hartuta, PSOEk eta PPk bat egin dute GAL erakundea eta Felipe González ikertzea blokeatzeko.


2020ko uztailaren 01an - 12:22
Felipe González GALekin lotzen zuen CIAren dokumentu argitaratu berriek ekarri dute estatu-terrorismoaren gaia berriro ere aktualitatearen lehen lerrora.

PSOEk eta PPk GALen inguruko ikerketa tramitatzeari uko egin diote Espainiako Senatuan. Iragan astean gauza bera egin zuten Kongresuan, Felipe González Espainiako Gobernuko presidente ohiak GALekin dituen loturak ikertzeko eskaera aurkeztu zenean. CIAren informe desklasifikatu baten bidez itzuli zen gaia eztabaida publikora.

Bi alderdiek gaia Senatuko bilkura osoak eztabaidatzea betatu dute. Euren ustez, ikertu nahi diren gertakariak “urrun daude”, eta bere garaian “epaituak eta ebatziak” izan omen ziren. Senatuak berak 1995ean GALen inguruan ikertzeko batzorde bat martxan jarri zuela baliatu dute argudio gisa. Batzorde horrek ez zituen bere ikerketa funtzioak bete ordea, Saenz de Santa María Teniente Jeneralak “egia kontatzearen” mehatxua jaurti baitzuen. Ondorioz, PPk ikerketa guztiak bertan behera utzi zituen.

GALen inguruko epaiketei dagokionez, Espainiako Estatuan bi kasu baino ez ziren iritsi epaitegietara: Segundo Marey eta Lasa eta Zabalarenak. Epaiketa horietan Felipe González ez zen erakunde terroristaren jarduera antolatzeagatik ikertua izan. Uztailaren lehenean onartu ez den proposamena EAJ, ERC, EH Bildu, JxCAT eta Ezker Konfederaleko 36 senatarik sinatu dute, eta GALen inguruan "gardentasunez " jokatzea eskatu dute, “kontu ugari oraindik ikertzeke baitaude”.


Kanal honetatik interesatuko zaizu: GAL
Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


Gobernura iristean tortura geldiarazteko agindu zuela dio Belloch ministro ohiak

1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]


2022-12-05 | Leire Artola Arin
Euskal herritarrak torturatzeko Espainiako Barne Ministerioaren baimena zuen Galindok, Belloch ministro ohiak aitortu duenez

Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]


Barrionuevoren adierazpenen harira, “eragindako minak aitortzea” eskatu dio Espainiako Gobernuari Egiari Zor fundazioak

Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]


2022-11-07 | Leire Artola Arin
Erreakzio bilduma
Hautsak harrotu ditu Barrionuevoren aitortzak

Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]


Eguneraketa berriak daude