JARRAIPENA | PSOE irabazle eta gobernua norekin osatu hautatzeko aukera du

Zuzeneko jarraipena
  • Espainiako Kongresurako eta Senaturako hauteskundeak apirilaren 28ra aurreratu zituen Pedro Sanchez Espainiako presidenteak, PP, Ciudadanos eta Vox alderdien manifestazio baten atarian. Ikusteko dago eskuineko bloke horrek gobernua hartzeko adina indar daukan bozen ondoren ala egun agintean den PSOEk eutsiko dion botereari. Euskal Herrira begira ere hauteskunde bereziak dira, lurraldetasunaren auzia baita kanpainako iltzeetako bat. Egunean zehar gertatzen dena kontatuko dizuegu jarraipen honetan.


2019ko apirilaren 29an - 01:23
Gakoak
Nafarroako parte hartzea %5 baino gehiago igo da

14:00ak arte 211.765 nafarrek eman dute botoa Espainiako kongresurako eta senaturako hauteskundeetan. %43,78ko parte hartzea da hori eta bost puntuko igoera erakusten du 2016ko bozekin alderatuta (orduan %38,03k eman zuen botoa ordu honetarako).

Gipuzkoan %7 baino gehiago igo da parte hartzea

Gipuzkoa da Hego Euskal Herriko probintzien artean 14:00etan boto mobilizatuena daukana: 2016an %35,31k eman zuten botoa eta aurten berriz, %42,81ek eman dute jada. 556.209 gipuzkoarrek dute botoa emateko eskubidea Espainiako hauteskunde orokor hauetan.

Bizkaian bost puntu eta erdi igo da parte hartzea

Bizkaian botoa ematera deituta zeudenen %42,43k parte hartu du 14:00etarako. 2016ko bozekin alderatuta bost puntu eta erdiko igoera da, orduan %36,96k eman baitzuen botoa. Bizkaitarrek Espainiako Estatuko batez bestekoa baino %1 gehiago parte hartu dute oraingoz.

Araban bi puntu eta erdi igo da parte hartzea

2016ko hauteskundeekin alderatuta parte hartzen handiagoa izaten ari da aurten 14:00ak arteko datuak kontuan hartuta. Araban, adibidez, bi puntu eta erdi igo da: %34,38k bozkatu zuen ordu honetarako duela hiru urte eta aurten berriz %36,94k. Kontuan izan behar da, gainera, posta bidez botoa emango duten arabarren kopurua garrantzitsua izango dela aurten, hauteskundeek San Prudentzio egunarekin bat egin dutelako.

Hego Euskal Herrian parte-hartzea %40tik gora

14:00ak arte botoa emateko eskubidean duten herritarren %41,49k eman du boza Araban, Bizkaian eta Gipuzkoan eta %43,58k berriz Nafarroan. Biak ere Espainiako Estatuko batez bestekoa baino gorago daude, hautesleen %41,48k eman baitu botoa Euskal Herriaz gain gainontzeko erkidegoetan eta estaturik gabeko nazioetan. 

 

<< <
1 2
> >>

Kanal honetatik interesatuko zaizu: Espainiako hauteskundeak 2019
Aurreakordioa sinatu dute koalizioan gobernatzeko PSOEk eta Unidas Podemosek

Espainiako Kongresuko eta Senatuko hauteskundeen emaitzak ezagutu ondoren, Pedro Sanchezek aipatutako "gobernu aurrerakoia" aurrera eramateko lehen pausoa sinatu dute alderdi biek asteartean.


2019-11-11 | ARGIA
Bizkaian EAJren nagusitasuna areagotu da

Botoen 100% zenbatuta, aldaketa parea Bizkaian: EAJk bere hegemonia indartu du, eserleku bat gehiago lortuz; eta E. Podemosek diputatu bat galdu du, eserleku bakarrarekin geratuz.


2019-11-11 | Z. Oleaga
Araban diputatu banaketa bera eta PP kanpoan berriz ere

EAJk, PSEk, Elkarrekin Podemosek eta EH Bilduk ordezkari bana lortu dute oraingoan ere Araban. Inkesta gehienek ziotenaren aurka PPk ez du eserlekurik eskuratu eta bera izan da hauteskundeen galtzaile nagusia herrialde honetan.


2019-11-11 | ARGIA
JARRAIPENA | Pedro Sanchezen hauteskunde errepikapenak faxismoari hegoak eman dizkio

Espainiako Kongresurako eta Senaturako hauteskundeotan, Araba, Gipuzkoa, Nafarroa eta Bizkaiko herritarrek 23 ordezkari hautatuko dituzte. 20:00etan itxi dituzte hauteslekuak. Zuzeneko jarraipena egiten ari gara.


2019-11-05 | Hala Bedi
Paratxutistak azaldu dira Trebiñuko faroletan eskegita

Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.


Eguneraketa berriak daude