14:00ak arte 211.765 nafarrek eman dute botoa Espainiako kongresurako eta senaturako hauteskundeetan. %43,78ko parte hartzea da hori eta bost puntuko igoera erakusten du 2016ko bozekin alderatuta (orduan %38,03k eman zuen botoa ordu honetarako).

Gipuzkoa da Hego Euskal Herriko probintzien artean 14:00etan boto mobilizatuena daukana: 2016an %35,31k eman zuten botoa eta aurten berriz, %42,81ek eman dute jada. 556.209 gipuzkoarrek dute botoa emateko eskubidea Espainiako hauteskunde orokor hauetan.

Bizkaian botoa ematera deituta zeudenen %42,43k parte hartu du 14:00etarako. 2016ko bozekin alderatuta bost puntu eta erdiko igoera da, orduan %36,96k eman baitzuen botoa. Bizkaitarrek Espainiako Estatuko batez bestekoa baino %1 gehiago parte hartu dute oraingoz.

2016ko hauteskundeekin alderatuta parte hartzen handiagoa izaten ari da aurten 14:00ak arteko datuak kontuan hartuta. Araban, adibidez, bi puntu eta erdi igo da: %34,38k bozkatu zuen ordu honetarako duela hiru urte eta aurten berriz %36,94k. Kontuan izan behar da, gainera, posta bidez botoa emango duten arabarren kopurua garrantzitsua izango dela aurten, hauteskundeek San Prudentzio egunarekin bat egin dutelako.

14:00ak arte botoa emateko eskubidean duten herritarren %41,49k eman du boza Araban, Bizkaian eta Gipuzkoan eta %43,58k berriz Nafarroan. Biak ere Espainiako Estatuko batez bestekoa baino gorago daude, hautesleen %41,48k eman baitu botoa Euskal Herriaz gain gainontzeko erkidegoetan eta estaturik gabeko nazioetan.