Arabak du Espainiako Estatuko posta bidezko boto-emaile kopuru handiena
Euskal Autonomia Erkidegoan, 101.213 herritarrek eskatu dute posta bidezko botoa (hautesle-erroldaren % 5,6). Horietako 43.739 bizkaitarrak dira (% 4,6), 28.589 gipuzkoarrak (% 4,2) eta 32.885 arabarrak (% 13,7).
2016ko Espainiako Hauteskundeetan posta bidezko botoen eskaerak ez ziren 14.000ra iritsi herrialdean.
Apirilaren 18an itxiko zuten posta bidezko botoa eskatzeko epea, eta 24an amaitu behar zen botoa ematekoa; alta, azken orduan, Hauteskunde Batzordeak erabaki du ostegunera arte luzatzea epea. PSOEk egindako eskaera bat aintzat hartu du erakundeak, eta modu horretan Araban dagoen eskaerari erantzuteko egun bat gehiago izango dute Correoseko postetxeetan.
200 mahaikide falta dira
Bestalde, Arabako Hauteskunde Batzordeak adierazi duenez, 200 lagun inguru falta dira oraindik Araban Espainiako hauteskunde-mahaiak osatzeko, askok ziurtagiria aurkeztu baitute mahaikide ez izateko. Horrenbestez, gaur hasiko dira berriz bidaltzen mahaian egoteko deialdiak.
Albiste hau Arabako Aleak argitaratu du eta CC-By-SA lizentziari esker ekarri dugu ARGIAra.
Espainiako Kongresuko eta Senatuko hauteskundeen emaitzak ezagutu ondoren, Pedro Sanchezek aipatutako "gobernu aurrerakoia" aurrera eramateko lehen pausoa sinatu dute alderdi biek asteartean.
Botoen 100% zenbatuta, aldaketa parea Bizkaian: EAJk bere hegemonia indartu du, eserleku bat gehiago lortuz; eta E. Podemosek diputatu bat galdu du, eserleku bakarrarekin geratuz.
EAJk, PSEk, Elkarrekin Podemosek eta EH Bilduk ordezkari bana lortu dute oraingoan ere Araban. Inkesta gehienek ziotenaren aurka PPk ez du eserlekurik eskuratu eta bera izan da hauteskundeen galtzaile nagusia herrialde honetan.
Espainiako Kongresurako eta Senaturako hauteskundeotan, Araba, Gipuzkoa, Nafarroa eta Bizkaiko herritarrek 23 ordezkari hautatuko dituzte. 20:00etan itxi dituzte hauteslekuak. Zuzeneko jarraipena egiten ari gara.
Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.