2021eko martxoaren 05a
EH Bilduk galdera erregistratu du Madrilgo Kongresuan, Sánchez presidenteari zuzendua: “Espainiako Gobernuko presidente gisa, indar armatuek eginiko torturak aitortzen dituzu?”. Geroa Baiko bozeramaile Uxue Barkosek jakinarazi du Nafarroako Gobernuari galdetuko diola ea zer egingo duen argitaratutako informazioaren aurrean, eta alderdi bereko Koldo Martínez senatariak Barne ministro Marlaskaren agerraldia eskatuko duela.
“Bagenekien Zabaltza Intxaurrondon torturatuta hil zela, baina hunkigarria da Guardia Zibilaren agintariak hainbesteko naturaltasunez entzutea nola gauzatzen zuten tortura hori”, adierazi du Ahal Duguko Nafarroako Parlamentuko bozeramaile Mikel Builek. “Eta zer dute esateko hainbat hamarkadatan torturarekin eta bere zigorgabetasunarekin kolaboratu duten politikari, epaile, kazetari eta hedabide guztiek, tortura salaketak "ETAren eskuliburu" gezurrezkoari leporatuz?”, Arkaitz Rodríguezek. “Mikel Zabalzaren torturei buruz argitaratutako audioak beldurgarriak dira. Gure herrialdean oso zabalduta dagoen #egia sozialari ahotsa jarri diote. Beharrezkoa da Estatuak, eta garai hartako arduradun politiko eta polizialek, behingoz, egindako kaltea onartzea”, Foro Sozialak.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
