Etxegabetzeak debekatu ditu Espainiako Gobernuak alarma-egoera amaitu arte

  • Espainiako Gobernuak debekatu egin ditu etxegabetzeak eta beharrezko horniduren mozketak, alarma egoera amaitu arte, hau da, maiatzaren 9a arte. 


2020ko abenduaren 23an - 09:24
2019ko azaroan Iruñeko Lezkairu auzoan egin zuten etxegabetze baten aurkako ekintza (argazkia: Ekinklik).

Espainiako Gobernuak abenduaren 22ko Ministroen Kontseiluan onartu du, alarma egoera ezarrita dagoen bitartean, bertan behera geratzen direla etxegabetzeak eta etxebizitza alternatiborik ez duten familiek beharrezkoak dituzten hornidurak moztea, hala nola, argia, ura eta gasa. Lege hau ezarrita egongo da alarma egoera amaitu arte, maiatzaren 9ra arte. 

Ministroen Kontseiluaren bileraren ostean emandako prentsaurrekoa jaso du EITBk eta informazio horren arabera, Jose Luis Abalos Garraio, Mugikortasun eta Hiri Agenda ministroak azpimarratu du arau berria "ezohikoa" dela eta "aparteko zailtasunak ditugun une baterako" hartu dutela. "Ez duela etxebizitza okupatzea legitimatzen" ere erantsi du eta aginduak "berme judizialak indartzen" dituela. Etxebizitzan eskumena duten gainerako administrazio publikoak ere agindu honen menpe geratuko direla zehaztu du gainera, tartean Hego Euskal Herriko bi autonomia erkidegoak.

Konpentsazioak etxe-jabeentzat

Espainiako Gobernuak onartutakoaren arabera, kontratua duten maizterrek eskaera aurkeztu beharko dute epaitegian, eta gizarte-zerbitzuek erabakiko dute egoera zaurgarrian dauden ala ez. Jabeek, bestalde, konpentsazio bat eskatzeko eskubidea izango dute, baldin eta gizarte-zerbitzuek epaileari aurkeztutako txostenean kaltetutakoen urritasun ekonomikoa egiaztatzen bada. Jabeen konpentsazio hori, etxea kokatuta dagoen ingurunearen alokairuaren batez besteko prezioa izango da. Prezioa erreferentzia-indizeen arabera zehaztuko da. 

Era berean, hiru hilabetez geldiaraziko dira kontraturik gabeko familia zaurgarrien etxegabetzeak, baina soilik edukitzaile handien etxebizitza hutsak okupatzen badituzte, hau da, hamar etxe baino gehiagoren jabeak direnen kasuan. Gainera, etxegabetze horien kasuan, adingabeak edo mendekoak euren ardurapean izatea edo indarkeria matxistaren biktima izatea ezinbesteko baldintzak izango dira etxegabetzetik libratzeko. 

Kasu guztietan, etxegabetze bat gauzatu ahal izateko, agintariek kaltetuentzako bizileku-aukera duina bermatu beharko dute, eta hori ezingo da aterpetxe edo kiroldegi bat izan. Autonomia erkidegoen esku geratuko da bizitoki alternatiba hori eskaintzea eta hiru hilabete izango dituzte horretarako.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude