Espainiako Auzitegi Nazionalak ‘Kalera Info’ aldizkaria eta Kalera Kalera webgunea ixteko agindua eman du
Sortuk larritzat jo du erabakia, informazio eskubidearen zein bizikidetzaren aurkako eraso gisa ulerturik. Helegitea jarri du alderdiak, eta horri ematen zaion erantzunaren arabera agindua behin betikoa izango da, edo ez.
aurre egingo dieten hedabide independenteak
Sortuko kide Oihana Garmendiak eta Haimar Altunak asteazkenean egindako prentsaurrekoan jakinarazi dute Espainiako Auzitegi Nazionalak agindu duela Kalera Info aldizkaria eta Kalera Kalera web-orria ixtea, ustezko terrorismoari gorazarre delituatik. Salatu dute erabakia Guardia Zibilaren txostenetan oinarritzen dela eta epaileak erabakia ez duela eman fiskaltzak abiatutako diligentzia baten ondotik. Alderdiak helegitea jarri dio erabakiari, eta horri ematen zaion erantzunak esango du auzitegiaren erabakia behin betikoa den ala ez.
"Gertaera larritzat" jo du Sortuk, informazio jardunaren aurka egiten duelako. Garmendia eta Altunak azpimarratu dute ez dela alderdiak presoen eskubideen alde egiten duen lanari egiten zaion lehen erasoa, eta gogorarazi nahi izan dute Espainiako Auzitegi Nazionalak irekia duela sumario bat alderdiko hainbat kideren aurka, bozeramaileak eurak tarteko. Halako prozesuek euskal preso politikoen eskubideen aldeko lana eta preso daudenen asistentzia kriminalizatzen dutela adierazi dute.
2017tik dago martxan Kalera Info aldizkaria, eta hiru hilabetero argitaratzen da. Beronen bidez helarazten zaie euskal preso politikoei informazioa, bai ibilbide penitentziarioa egiteko beharrezkoa zaiena, baita euskal presoen eskubideen aldeko mobilizazioen berrie ematen duena ere. Aldizkariaren ixteak zuzenean eragiten dien informazio iturri hori gabe utziko lituzke euskal preso politikoak.
Sortuk bizikidetzaren aurkako erasotzat jo du agindua, eta adierazi du badirudiela zenbaitek kosta ala kosta itxi nahi dutela bizikidetzari irekitako atea, "herri honen gehiengoaren borondatearen aurka".
"Herri honek ezin du onartu Estatuko sektore erreakzionarioenen eraso berri hau, eta are gutxiago orain, adostasun handiak lortu baitira preso politikoen, erbesteratuen eta deportatu politikoen auzia konpontzeko, eragile askoren borondate eta ahaleginari esker, preso politikoak barne", egin dute irakurketa.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]