Espainiako Auzitegi Gorenak Altsasuko gazteen kondenak berrikusiko ditu asteazkenean
Jendaurreko ikustaldian 2i urtetik 13 urtera doazen kondenak berrikusiko ditu Espainiako Auzitegi Gorenak asteazkenetik aurrera.
Asteazkenetik aurrera Espainiako Auzitegi Gorenak Altsasuko gazteen gaineko kondenen aurkako helegiteak ikertuko ditu. Helegiteak jarri zaizkion sententzia Espainiako Auzitegi Nazionaleko Apelazio Aretoak egin zuen. Bertan, 13 urteko zigorra ezarri zioten Oihan Arnanzi, 12 urtekoa Jokin Unamuno eta Adur Ramirezi, 9 urtekoa Jon Ander Cob, Julen Goikoetxea eta Aratz Urriolari, eta bi urtekoa Ainara Urkijori, kartzelan sartu ez duten bakarra.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
