Inor gutxi ari da fenomenoari erreparatzen, baina gazte gehien biltzen dituzten sare sozialetan eskuin muturra da jarraitzaile gehien duena, alde handiarekin. Espainiako Estatuko Vox alderdi ultraeskuindarrak, adibidez, asmatu du Tik Tok, Instagram eta YouTube erabiltzen publiko gaztearekin konektatzeko.
Kontsumitzeko erraza den edukia eskaintzen duten sare sozialak dira arrakasta handiena dutenak gazteen artean, Silvia Martínez Universitat Oberta de Catalunyako komunikazioko irakasleak La Vanguardian azaldu duenez: “Erabiltzaile gazteentzako erakargarria da, batez ere adin nagusiagoko partaideak, beren gurasoak ere izan zitezkeenak, ez daudelako”.
Erraz eta bizkor kontsumitzeko mezua bilatzen dute gazteek. Horri eskuin muturreko alderdien mezu “informal eta probokatzaileak” gehituz gero, are erakargarriagoak bilakatzen dira sare horiek. Adibidez, Tik Tok sare sozial sortu berria eskuin muturrarentzat arrantzaleku bihurtzen ari da. Bertan alderdi politikoen kontu ofizialak sortzea debekatuta badago ere, eskuin muturreko mezu eta traolek dituzten bideoek ia sei aldiz bisita gehiago dituzte ezkerrekoenek baino.
Radarretik kanpo dauden biharko boto-emaileak
Datu esanguratsuak dira horiek, kontuan hartuta 10 eta 15 urte arteko adin txikikoen %90 Interneteko erabiltzailea dela. Tik Token kasuan, erabiltzaileen %41ek 16 eta 24 urte bitartean ditu. Gainera, gazte gehienek informazio politikora Tik Tok, YouTube edo Instagram bidez jotzen dute.
Sociométrica ikerketa taldeak argitaratu duenez, Espainiako Estatuko azkeneko hauteskundeetan 30 urtetik beherako gizonezkoen artean alderdi bozkatuena Vox izan zen.
YouTuben ere bideo ustez ludikoen atzean mezu kontserbadore eta autoritarioak zabaltzen dabiltzala adierazi du zenbait adituk. Hungarian eta Polonian, adibidez, arrakasta handia lortu zuten bideo horiek, eta AEBetako eskuin muturraren indartzeak ere fenomeno horrekin zerikusia duela argudiatu dute.
Twitter salbuespen
Gazteen artean gehien zabaldutako sare sozialetan nagusitasuna badute ere, eskuin muturrekoek Twitterren ez dute horrelako arrakastarik lortzen. Espainiako Estatuaren kasuan, bost alderdi nagusien artean jarraitzaile gutxien dituena da Voxeko kontua, eta gehien dituena berriz Unidas Podemosekoa, alde handiarekin. Hain zuzen ere, Twitterrek Voxen kontua blokeatu izan du, “gorrotoa bultzatzea” argudiatuta.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.