Eskolara oinez bai, baina bide seguruak bermatuta
Erronkariko ikastetxera doazen 84 ikasleek eskolara joateko ibilbide segurua dute joan den astetik, bidean egin dituzten obrei esker. Eskolara oinez edota bizikletan joateak dituen onura ugariak nabarmendu ohi ditugu, baina horretarako prestatuta al daude gure hiri eta herriak?
Bost hilabeteko obren emaitza aurkeztu dute Nafarroako Gobernuak eta Erronkariko Udalak: oinezkoen bidea errepideko autoetatik babesteko hormigoizko horma, espaloi zabalagoa, ibaiaren erriberako gunean baranda, bide-marka eta seinale berrituak… Bide-azpiegitura egokiak ahalbidetzea funtsezkoa dela adierazi du Nafarroako Gobernuko ordezkariak, “oinarrizko zerbitzuetarako sarbidea bermatzeko”, eta eskola oinarrizko zerbitzua da, zalantzarik gabe.
Oinarrizko zerbitzu horren sarbidea, baita bertara iristeko bide eta kaleen egoera, baina, sarri ez da batere segurua, errepideak eta autoak nagusi diren gure hiri eta herrietan. Duela gutxi azaleratu genuen Bilboko Atxuriko eskolako gurasoen kexa: Bilbo haurrentzat hiri arrotza dela azpimarratzeaz gain, eskola inguruneak bizi duen kutsadura eta segurtasun-eza salatzen dute. Atxurin, gustura jarriko lukete martxan haurrak eskolara ikaskideekin batera oinez eta beren kabuz joateko proiektua, “haurren garapenean eta harremanetan eragin zuzena duen esperientzia oso polita delako”, baina halako zerbait ahalbidetzeko lehenik “udalak hainbat berme jartzea beharrezkoa ikusten dugu. Oraintxe bertan, zebrabidea berdean gurutzatzea bera arriskutsua da gurean”.
Haurren azalean jartzeak balio badu hirigintzan eragiteko eta leku bizigarriagoak eraikitzen hasteko, bada zerbait
Eskolara haurrak taldean, gero eta herri gehiagotan
Gero eta herri eta hiri gehiagotako ikastetxeak ari dira martxan jartzen ikasleak eskolara beren kabuz joatea sustatzeko ekimenak. Horri buruz argitaratu genuen artikuluan azaltzen genuenez, ekimen hauetan lehen urratsa izan ohi da ibilbide segurua eta planifikatua adostea, eta horren ondorioetako bat baldin bada kale eta auzoak begi horiekin irakurtzea, haurren azalean jartzeak balio badu hirigintzan eragiteko eta leku bizigarriagoak eraikitzen hasteko, bada zerbait.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]