Eskola segregazioaren aurkako paktua Katalunian
Eskola segregazioa gainditzeko Zubiak Eraikiz plataformak aurkeztutako lege proposamena Eusko Legebiltzarrak atzera bota ostean, ez atzera ez aurrera dago gaia Euskal Herrian. Katalunian aldiz, 189 neurri jasotzen dituen paktua hitzartu berri dute, eskola publikoaren eta kontzertatuaren artean eta ikastetxe batzuen eta besteen artean ematen diren desoreka sozioekonomikoei aurre egin asmoz.
Kataluniako Herritarren Defendatzaileak bultzatuta, Parlamentak eta Kataluniako udal garrantzitsu gehienek onartu dute dokumentua. Hiru urtetako epean aplikatzea eta sei hilero ebaluatzen joatea da helburua.
Behar bereziko ikasleen kopurua, mugatuta
Neurrien artean dago, adibidez, aspalditik aldarrikatutakoa: ikastetxe bakoitzak har ditzakeen behar bereziko ikasleen kopurua mugatzea, baita ikastetxe kontzertatuek derrigorrezko kuotak kobratzeari uztea ere. Matrikulazioan egon daitezkeen iruzurren gaineko kontrol handiagoa eta gehiago behar duten ikastetxeen egoera aldatzeko horietan gehiago inbertitzea ere jasotzen du dokumentuak. Ghetto ikastetxe bihurtu direnak beste ikastetxe batzuekin fusionatzea edota muturrera joanda, ghettifikazioa gainditzen ez duten ikastetxeak ixteko aukera ere neurrien artean daude.
Guztiek ez dute begi onez ikusi
Dena den, sinatzaileen artean hutsune nabariak ditu paktuak. CUP alderdiak, Kataluniako gurasoen federazioak, sektorean gehiengoa duen Ustec sindikatuak eta ikasle mugimendu gehienek ezetz esan diote akordioari, batez ere argudiatuz eskola kontzertatua ateratzen dela garaile, ikastetxe hauen existentzia bera ez delako auzitan jartzen eta sozioekonomikoki zaurgarriak diren ikasle gehiago hartu ahala finantzazio publiko handiagoa izango dutelako itunpekoek. Bestelako arrazoiengatik, PPk eta Ciudadanosek ere ez dute bat egin hitzartutakoarekin.
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
A ereduko eskola D ereduko bihurtuko dute Gasteizko Judimendi auzoan, familia erdaldunen seme-alabei euskaraz ikasteko aukera emateko eta familia euskaradunak erakartzeko. "Estigmatizatuta dagoen eskola da eta buelta eman nahi diogu, auzo-eskolaren izaera berreskuratu nahi... [+]