Formakuntza, ikerketa eta dokumentazio feministarako Emagin zentroak Eskola Feministen bigarren edizioa aurkeztu du. Aurtengoa Hau ez da gure bakea lelopean egingo du, eta Euskal Herriko gatazka politikoen irakurketa feministak lantzea da helburua, gatazkari buruzko hausnarketa eragitea. Horretarako, ekarpen teorikoak bilduko dituzte, baina izena ematen dutenek zuzenean parte hartzeko aukera ere izango dute.

Izen ematea

Izena emateko emaginartxiboa@gmail.com postara idatzi behar da, tokiak mugatuak baitira. Ikastaroko prezioa 5 eurokoa izango da, eta bazkariarekin 15 euro.

Egitaraua

10:00 "Bakea ez da existitzen, feminismoa bai" (Jule Goikoetxea) 

11:00 "Euskal gatazka ezaugarritzen. Feminismotik irakuketa" (Zuriñe Rodrigez)

12:00 Hamaiketakoa

12:30 Ariketa kolektiboa

14:00 Bazkaria

15:30 "Pertsonala politikoa da. Gatazkak generoa dauka?" mahai ingurua.

          Iruñean parte hartuko dutenak:

Emakume militantea eta preso ohia.

Senidea (Oihana Etxebarrieta).

Psikologoa (Oihana Barrios).

Gizon militantea eta preso ohia (Iker Moreno).

17:00 Ariketa kolektiboa

18:00 Amaiera

Oharra: Albiste hau Topatu.eus gunetik ekarria da lizentzia libreei esker.