Ertzaintzak lagun bat atxilotu eta bi identifikatu ditu MTVren aurkako kalejiran

  • Ostegun iluntzean, Bilboko Alde Zaharrean egin zen Piztu Bilbo Itzali MTVren kalejiran Ertzaintzak pertsona bat atxilotu eta bi lagun identifikatu zituen.

Uriola.eus @uriolaeus
2018ko azaroaren 05a
( Argazkia: @enekoander)

Piztu Bilbo Itzali MTV plataformak kalejira antolatu zuen ostegunean Alde Zaharrean MTVk sustatzen dituen baloreen aurka. Kalejira Arraiga plazaren aurrean bukatu zen. Bertan, MTVren ekitaldia zegoen. Plataformak adierazi duenez: "Arriaga Antzokian euskal kultura zapuzten dituen kultur balore hegemonikoak sustatzen dituen MTVko kontzertuak burutzen ari zirela, Alde Zaharretik abiaturiko kalejira bertara heldu zen."

Azaldu dutenez, Arriaga Plazan zeuden segurtasun pribatu eta ertzainek kalejirako partaideen kontra eraso zuten. Ondorioz bi pertsona identifikatu eta lagun bat atxilo eroan zuten beraien kontrako ustezko erasoen aitzakipean. 

Gertatutako salatzeaz gain, plataformak "MTVak gure kaleak militarizatzea ekarri duela salatu nahi du". Izan ere, azkeneko egun hauetan, Bilboko kaleetan ohikoa ez den presentzia poliziala ikusten da. Aste Nagusian gertatu zen bezala, azken aldian jende ugari biltzen diren lekuetan Ertzaintzaren eta udaltzainen presentzia areagotzen da.

Piztu Bilbo Itzali MTV plataformak azaldu duenez: "ixilik eta menpeko nahi gaituen botere ekonomiko eta politikoaren aurrean, kaleak hartu eta auzoen, elkartasunean oinarituriko hartu emanen zein feminismoaren gainean eraikitako hiri eredua eraikitzera goaz".

Albiste hau Uriola.eus-ek argitaratu du eta ARGIAra ekarri dugu CC by-sa lizentzia baliatuta.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Piztu Bilbo MTV itzali  |  Bilbo

Piztu Bilbo MTV itzali kanaletik interesatuko zaizu...
Barakaldoko Udalak MTVri emandako dirua aitortutakoa baino handiagoa dela salatu dute

AEBetako multinazionalaren ekitaldia egiteko Udalak 220.000 euro publiko jarriko zituela adierazi zuen. Barakaldoko PSE-EEk salatu duenez, kopuru horri gehitu behar zaizkio doan eskaini zaizkien zerbitzuak: urriaren 29ko kontzertuan lan egiten zuten 43 udaltzainak, garbiketa zerbitzuak, herri langileen lanak eta publizitatea.


MTVren beste kontzertu bat antolatu nahi du Bizkaiko Aldundiak Getxon datorren urtean

2019ko udaberrian edo udan, Algortako Portu Zaharrean kontzerturen bat antolatzea negoziatzen ari dira Bizkaiko Aldundia eta MTV katea. Azken astean ia 70.000 ikusle bildu direla esan zuen, eta horretaz "harro" azaldu zen Unai Rementeria Bizkaiko ahaldun nagusia.


2018-11-06 | ARGIA
Beste Bilbo bat eraikitzen jarraitzeko prest agertu da Piztu Bilbo Itzali MTV

MTV Music Week Bizkaia eta MTV EMA tarteko, aurreko astean egitarau oparoa eraman du aurrera eragileak, beste Bilbo bat aldarrikatuz. Makro-ekimenaren bueltako zurrunbiloa igarota, hitza hartu eta beste Bilbo bat eraikiz jarraituko dutela adierazi dute.


2018-10-31 | Axier Lopez
"MTVren kontzertua egin bitartean La Navaleko langileak itxialdian zeuden lanpostuen defentsan"

Astelehenean Barakaldoko herriko plazako kontzertuak hasiera eman zion, segurtasun neurri zorrotzen artean, MTV Music Week delakoari. MTVren aurreikuspenak ez ziren bete eta giroa eguraldia bezain hotza izan zen. Instituzio publikoen alfonbra gorria jarrita, AEBetako multinazionala gurera heldu izana salatzen dihardu Piztu Ezkerraldea plataformak.


2018-10-30 | ARGIA
"Piztu Bilbo, Itzali MTV"-k aste honetarako egitaraua aurkeztu du

“Guztiok mobilizazioetan parte hartzera gonbidatzen zaituztegu, guztion artean beste Bilbo bat eraikitzeko, behetik, herritik eta elkartasunez, MTVen, PNVren eta bere erakuslehio den hiriaren aurka eta haratago”. Ostegunetik igandera bitartean ekintza ezberdinak burutuko dituzte, eta egoeraren gaineko irakurketa bat ere egin zuten asteleheneko prentsaurrekoan.


2018-10-26 | Axier Lopez
MTVk casting bidez aukeratuko du nor egongo den BECeko ekitaldiko lehen lerroan

Ostiral honetan hasi eta igandera bitarte, MTVk castingak antolatu ditu Barakaldoko BECen "Bizkaiko eta Espainia osoko musikaren fan-ik gogotsuenak" aukeratzeko. Diru publikoz lagundutako azaroaren 4ko sari banaketaren lehen lerroan zein egongo den, MTVren epai-mahai batek aukeratuko du.


2018-10-23 | Axier Lopez
Barakaldoko Udalak auzoetako jaientzat bideratzen duen diruaren bikoitza emango dio MTV multinazionalari

Azaroaren 4an Barakaldoko BECen ospatuko duten Europe Music Awards (EMA) ekitaldirako Barakaldoko Udalak 220.000 euroko diru-laguntza eman dio AEBetako MTV kateari.


MTV-ren gola San Mamesen: garaitu eta zurera ekarri

Azaroaren 3an San Mameseko zelaira salto egin aurretik, MTVk dagoeneko sartu du lehen gola Bilbon. Ostegunean iragarri dutenez, Berri Txarrak taldeak joko du katearen Europe Music Awards ekitaldiaren aurretik Athletic-en estadioan antolatu duten kontzertuan, Muse eta Crystal Fightersekin batera.


2018-10-12 | Uriola.eus
Egitarau oparoa 'Hamaika Botxo' eguna ospatzeko

Larunbatean izango da 'Hamaika Botxo' eguna. Hainbat eragileren artean egitarau zabala prestatu dute eguna ospatu eta Bilboko hiri eredua salatzeko.


Eguneraketa berriak daude