Ertzaintzak eta Udaltzaingoak uztailean Bilbon egindako eraso arrazista salatu dute
Euskal Herriko Arrazakeriaren Aurkako Mugimenduak uztailaren 5ean jazotako abusu polizial kasu baten berri eman du. Erasoak zantzu arrazistak zituen. Poliziak emakume talde arrazializatu eta queer bati oldartu zitzaizkien.
Euskal Herriko Arrazakeriaren Aurkako Mugimenduak publiko egindako ohar baten bidez, uztailaren 5ean Bilboko San Frantzisko auzoan jazotako poliziaren abusu kasu baten berri eman dute. Azaldu dutenez, Ertzaintza eta Bilboko Udaltzaingoa, kalez jantzitako zenbait agente tarteko zirela, emakume talde arrazializatu eta queer bati oldartu zitzaizkien. Emakumeei “bortizki” eraso egin zietela salatu dute, gertakarien eragiletzat joaz “egoera politiko-sanitario honen aurrean segurtasun-kidegoei eman zaien boterea”.
Azaldu dutenez, agenteek “joan zure herrialdera, hona zatozte soilik gauzak aldrebestera” gisako irain arrazistak egin zizkieten erasotuei, baita “errekara jaurtiko zaituztet” bezalako mehatxuak ere. Hitzezko erasoez harago, borra kolpeak ere eman zizkietela zehaztu dute. Azpimarratu dutenez, orokorrean, neurrigabekeriaz aritu ziren poliziak.
Erasoa tarteko, pertsona bat buruan zauritu eta beste bi atxilotu egin zituzten autoritatearen aurka eraso egitea leporatuta. Beste bati autoritateari desobeditu izana leporatzen diote. Horrez gain, gaineratu dute Mozal Legea ahotan hartuta mehatxu egin zietela, esanez norbaitek gertakarien bideoak erabiliz gero, salatu egingo zutela.
Gertakariak ez ezik, Eusko Jaurlaritzaren instituzioek horien aurrean erakutsitako eraginkortasunik eza ere salatu dute idatziaren bidez. “Ez bakarrik kasu honi erantzuteko, baizik eta giza eskubideen urraketa sistematikoari, miaketa umiliagarriei, arraza-profilaren ondoriozko geldialdi eta atxiloketei, zein areagotuz doan indarraren gehiegizko erabilera egiten duten ehunka kasuei erantzuteko”, gaineratu dute.
Gauzak horrela, astearte goizean elkarretaratzea egin dute Bilboko Justizia Jauregiaren parean. Urriaren 5ean toki berean egingo dute bigarren elkarretaratze bat, erasoaren harira akusatutakoek orduan deklaratuko baitute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.