Ertzaintzak Bilboko bizilagun bat modu ilegalean etxegabetu duela salatu dute
AZET Etxebizitza sindikatuak salatu duenez, elkartasuna adieraztera hurbildu ziren hiru kide identifikatu egin zituzten. Bilboko hainbat elkarte eta kolektibok salatu dute desalojo ilegalak "eguneroko ogia" direla.
Ostegun arratsaldean Ertzaintzak Bilboko Alde Zaharrean legez kanpoko etxegabetzea egin duela salatu du AZET Etxebizitza Sindikatuak. Agindu judizialik gabe agertu ziren ertzainak auzokide baten etxean, eta indarrez irtenarazi zuten bertatik. Gaineratu du elkartasuna adieraztera hurbildu ziren hiru kide identifikatu egin zituztela.
Urtarrilean Desalojo ilegalei ez! kanpaina jarri zuten martxan Bilboko hainbat elkarte eta kolektibok: AZET Etxebizitza Sindikatuak, Sos Arrazakeria Bizkaiak, Atxuri Harrerak, Xake Espazioak, ODS Giza Eskubideen Bulegoak, Bilboko Okupazio Bulegoak, Bilbo Zaharreko Kultur Etxeak eta Bilbo Zaharra, San Frantzisko eta Zabala Auzoen Koordinakundeak.
Salatu dute desalojo ilegalak "eguneroko ogia" direla Bilboko auzoetan, eta osteguneko etxegabetze horren adibidetzat jo dute: "Muturreko pobrezia eta interes kapitalistak etengabeko talkan daude gure auzoetan, eta etxe hutsen okupazioa biziraupenerako tresna bihurtu da auzokide askorentzat".
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
