Estefania Beltran de Heredia Eusko Jaurlaritzako Segurtasun sailburuak Legebiltzarrean adierazi duenez "asko irabazten ari gara bakearekin, orain gutxira arte ertzainek beren ordu libreetan ezin zuten askatasunez joan euskaltegira", eta horrela arrazoitu du gaur egun ertzain guztiek euskaraz ez jakitea.
Rebeka Ubera EH Bilduko legebiltzarkideak egindako galdera baten bueltan etorri da sailburuaren erantzuna. Lekeitioko ikastetxe bateko ikasle eta irakasleek kexa sartu dute Legebiltzarrera egindako bisita batean atean zegoen ertzainak gazteleraz egiteko eskatu zielako.
Horren ondotik erantzuna, esanez "garrantzitsua da batez ere gazteei azaltzea nondik gatozen eta zenbat irabazi dugun bakearekin, orain gutxira arte ertzainek ezin baitzuten euskaltegira askatasunez joan, eta azaldu beharra dago zergatik gertatu den hori". Eta horrekin batera eskatu du "ertzain horren lekuan ere jartzeko".
Unai Urruzuno EH Bilduko legebiltzarkideak kexa egin du entzundakoagatik, eta Legebiltzarretik kanporatu du Bakartxo Tejeria Legebiltzarreko presidenteak.
Bideoa ikusi dezakezue lotura honetan (eitb.eus).
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
EAJ, EH Bildu eta PSE-ren babesarekin atera da aurrera. Erregai fosilen desinbertsiorako plan bat gauzatu beharko du Jaurlaritzak. Helburu nagusia 2050rako EAEn karbono emisioak zerora murriztea da.