Errepublikari mintzo zaio Emmanuel Macron presidentea Jaka Horiekiko auzia saihestuz

  • Eztabaida Nazional Handiaren berri eman bezperan, Notre Dame katedrala sutu zen. Jaka Horien oldeari aitzi egiteko Errepublikako presidente Macronen asmoak ezagutu gabe geratu ginen. Ostegunean agertu zen Frantziako nazioaren aurrean, baita bere gobernuaren neurri politiko berriak aditzera eman ere.


2019ko apirilaren 26an - 09:20
Frantziako presidenteak Eliseoan egin zuen agerraldia lehen aldikoz. Argazkia: Ian Langsdon (EFE).

Frantziako presidente Emmanuel Macron 300 kazetari ingururen aurrean mintzatu zen, Eliseoan lehenengo aldiz. Heldu diren hilabeteetan hartuko dituen neurriak azaldu zituen, okertu zaion agintaldia bideratzeko aldera.

Hona iragarritako zenbait neurri politiko: deszentralizazio prozesua, 2020an hasita. Klase ertainei errentaren zerga apaltzea. Erretreta sistema aldatzea, eta azkenik, herritarren parte-hartzea bideratzeko arauak hobetzea.

Agintaldira iritsi ondoren bi “afera” nagusitu zaizkio Macroni: Benalla auzia eta Jaka Horiek eragindako krisi politikoa. Macron alde autoritarioa agerrarazi dute bi auziek. Alabaina, atzoko agerraldian ez zuen, kasu, Jaka Horien mugimenduaren inguruko azalpen zehatzik eman. Bere gobernuaren esku utzi zuen horiek azaltzea eta politika bideratzea.

Jaka Horien aldarrikapen nagusiak ez dira presidentearen ardura, antza. Hona horietako batzuk: aberastasunaren zerga (ISF) berreskuratzea, boto zuria aintzat hartzea, Herri Ekimen Erreferenduma (RIC) legeztatzea.

Nolanahi ere, neurri batzuk aditzera eman zituen: Partekaturiko Ekimenaren Erreferendumaren (RIP) arauak aldatzea proposatu zuen. Hala berean, 2017ko hauteskundeetan jarri zituen xedeak beteko dituela iragarri zuen berriz ere: diputatu kopurua %25-30 jaistea, ordezkariak hautatzeko %15eko proportzionaltasuna ezartzea, eta agintaldi kopuruak mugatzea.

Jaka Horiek asteroko ekimena iragarri dute ostiral honetarako, Maiatzaren Leheneko mobilizazioen atarian.


Kanal honetatik interesatuko zaizu: Frantziako Gobernua
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


Ikasle euskaldunek Frantziako Legebiltzarrean euskaraz ikasteko eskubidea aldarrikatu dute

Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]


Frantziako Konstituzio Kontseiluak bertan behera utzi ditu Immigrazio Legearen neurri gogorrenak

Lege egitasmoak jasotzen dituen 86 neurrietatik 32 indargabetu ditu, hala nola familia batzeari jarritako oztopoak eta egonaldi irregularraren delitua. Eskuin muturraren bultzadarekin onartu zen legea.


Frantziako Asanblea Nazionalak Immigrazio legea onartu du ultraeskuinaren botoekin

Etorkinen eskubideak murriztuko dituen legeari buruzko akordioak krisia eragin du Macronen gobernuan, ultraeskuindarren babesa lortuta, eta Europar Batasunak ere migrazio eta asilo itunari buruzko akordioa itxi du.


Eguneraketa berriak daude