Erraldoiak

  • Mundua larri bizi den bitartean COVID-19aren kalteengatik (heriotzak, langabezia, enpresen itxierak, ziurgabetasuna…), kapitalismo finantzarioak jarraitzen du jolasten ea zein den denetan handiena, milaka langilerentzat ondorio negatiboak izan arren.


2020ko azaroaren 19an - 16:11

Berriki, joko horretan sartu da BBVA euskal jatorriko bankua –Banco Bilbao 1857an sortu zen, geroago Banco Vizcayarekin bat egin zuen, eta azkenik Argentariarekin–. Espainiako Estatuan, fase hori Bankia eta Caixabankek hasi zuten duela gutxi, eta ondoren Liberbank eta Unicajak segi zioten.

Orain, BBVA eta Sabadell bankuek euren arteko negoziazioak hasi dituzte. Eta edozein unetan Santander banketxeak ere pausoa emango du erraldoi handiagoa izateko. Dagoeneko 4.000 langilerentzako enplegu-erregulazioko espedientea eta bulegoen %30 ixtea negoziatzen ari da.

Espainiako Estatuko bankuek zergadunei 60.000 milioi euro zor dizkiete 2008ko erreskateagatik, eta orain jendaurrean agertzen dira, negozio handiena nork eskuratzen duen ikusteko. Noiz itzuliko dute erreskatearen faktura? Espainiako Gobernua, PSOE eta Podemos dira erantzuleak.

Kapitalismoa, kasu honetan finantzarioa, ez da arduratzen erraldoien joko horiek daramatenaz. Etekinik handiena bilatzen dute, kosturik txikienarekin eta akziodunei dibidendu onak banatu ahal izateko, horretarako milaka bulego itxi eta beste milaka lanpostu deuseztatu behar badituzte ere. Aski da gogoratzea 12 urtetan banku horiek beren bulegoen %50 itxi dutela eta langileen %37 kaleratu. 2008an 276.497 langile zituen sektoreak, bada 115.000 kaleratuak izan dira.

Munduko kapitalismoaren guru batek, Klaus Schwab Munduko Ekonomia Foroaren sortzaileak, zera esan du: "Krisi sozialak eztanda egiteko arriskuak kezkatzen nau”. Dirudienez, banku erraldoiak ez daude hain kezkatuta.


Kanal honetatik interesatuko zaizu: BBVA
2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


BBVA-Sabadell
Bankuak gose: nork gizentzen du piztia?

BBVAk Sabadell irensteko egin duen eskaintza “oldarkorrak” berriz erakutsi digu egungo bankuak nolako azalez eginda dauden. BlackRock eta antzeko inbertsio funts sarraskijaleen atzaparretan erorita, haientzako haratustelak ehizatzen dabiltzan erakunde lotsabakoak... [+]


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


BBVAk 1.846 milioi euro irabazi ditu lehen hiruhilekoan, iaz baino %40 gehiago

Espainiako Estatuan 541 milioi euro irabazi ditu, duela urtebete baino %9,5 gutxiago, 225 milioi euro ordaindu baititu bankuei ezarritako zerga berriagatik. Hala ere, mundu osoko negozioak kontuan hartuta, ia 2.000 milioi irabazi ditu, iaz baino nabarmen gehiago.


Inflazioa ez da fenomeno meteorologikoa, baina zure soldata urtuko du hipotekatan

Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?


Eguneraketa berriak daude