Erkorekaren arabera Blue Lives Matter polizia mugimenduak ez du urratzen Ertzaintzaren kode deontologikoa
Ertzain batek AEBetako eskuin muturreko elkarte horren jertsea jantzi zuen EITBren Baserria saioan. Barne Sailak ez du poliziaren aurkako neurririk hartu.
Iragan martxoaren 14an Gontzal Viaga Rodríguez ertzainak Honoring Courage; Blue Lives Matter (Ohore adoreari; Bizitza Urdinek Axola Dute) lelodun jertsea jantzi zuen EITBko Baserria saioan. Blue Lives Matter 2014an sortu zuten New Yorkeko hiru poliziak. Mugimenduaren lelo eta irudiak AEBetako eskuin eta eskuin muturraren artean hedatu dira. Lanean zein erretiroa hartuta daude segurtasun indarretako kideek osatzen dute mugimendua. Bere aldarrikapen nagusia polizien hilketak legez gorroto delitu izendatzea da, arrazari edo sexu-genero identitateari loturiko delituekin parekatuz.
Naiz-ek jakinarazi duenez, gertakari haren harira EH Bilduko legebiltzarkide Julen Arzuagak idatzia zuzendu zion Eusko Jaurlaritzaren Barne Sailari, galdetuz poliziak Ertzantzaren kode deontologikoa urratu ote zuen eta bere aurkako neurririk hartu den. Idatzian zehazten zuenez, “Poliziaren Legean jasotzen den kode deontologikoaren 24.2 artikuluaren arabera, Euskal Autonomia Erkidegoko Polizia osatzen duten pertsonek ‘uneoro jardun beharko dute zintzotasunez eta duintasunez, beren eginkizunek eskatzen duten konfiantza eta begirunea galtzea ekar dezaketen portaera guztiak saihestuz, edo zerbitzuaren edo administrazioaren prestigioa edo eraginkortasuna arriskuan jar dezaketen jokabide guztiak saihestuz’, 25. c) artikuluaren arabera, ‘Arraza, etnia, erlijio, ideologia, sinesmen, adin,sexu-orientazio edo antzeko beste edozein arrazoirengatik egindako diskriminazio oro saihestuko dute".
Erkoreka Barne sailburuak Arzuagari jakinarazi dio Barne Sailak ez duela inongo neurririk hartu, AEBetako mugimenduak kode deontologikoa urratzen ez duela iritzita: “Segurtasun Sailak ez du inolako neurririk hartu zuk aipatutako ertzainaren inguruan; izan ere, ezin da baieztatu Blue Lives Matter erakundeak, polizia erretiratuen elkartea den aldetik, kode deontologikoan ezarritakoa urratzen duten balioak ordezkatzen dituenik”.
Frankotiratzaileen miresle ere
Polizia berak argazkia atera zuen Gaztea irratian, burezur baten irudia eta “The Legend Chris Kyle” leloa zuen jertsearekin. Chris Kyle AEBetako armadako historiako frankotiratzailerik hilgarriena izateagatik da ezaguna.
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]