Aurkeztu diren hamabi lanen artetik Elizariren proiektua saritzea erabaki du Miren Amuriza, Garazi Kamio eta Igor Estankonak osatutako epaimahaiak.
Elkar argitaletxeak jakitera eman duenez, Erika Elizari Hernaniarrak jaso du Igartza Sariaren 21. edizioko beka. Beasaingo Udalak, CAF enpresak eta Elkar argitaletxeak urtero ematen duten saria da, idazle gazteei beraien proiektua garatzeko laguntza eskaini asmoz.
Elizaren Zendabalitz eleberri poriektua hegaldi gorabeheratsu baten kronika izango da, hegazkinera igotako bidaiarien barne bakarrizketek gidatuko dutena. Arazo tekniko bat tarteko, aireportuan geldik dagoen hegazkin batekin ekingo dio eleberriak, eta egoerak zazpi bidaiariren baitan eragindako "barne turbulentzien" bidez hainbat kontu ekarriko dira orrietara: etorkizunari eta iraganari lotutako ardurak, kontzientziaren harra, batzuetan bidelagun eta besteetan etsai bilakatzen diren pentsamenduak...
Ikus-entzunezko Komunikazioan lizentziatua da Elizari, eta orain artean sormena ere arlo horretatik bideratu duela aitortu du, bideogintzaren bitartez batik bat. Duela urte batzuk haurrentzako ipuin klasikoen egokitzapen batzuk idatzi bazituen ere, eleberri hau izango da literaturarekin lehenengo “kontakturik zuzenena”.
Bideo honetan Erika Elizarik berak azaltzen du proiektuak zertan datzan:
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]
Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.