Eraso sexisten kontrako elkarretaratzeak Gasteiz eta Basaurin
Batean zein bestean, ostiral arratsalde honetan salatuko dituzten erasoak pasa den asteartean eman ziren. Hala ere, ez dira azken egunotan egindako eraso matxista bakarrak.
aurre egingo dieten hedabide independenteak
Ugariak eta larriak izan dira azken egunotan jaso diren eraso matxistak. Asteburua amaitzear zela, igandean, Bilboko Aste Nagusian emandako bi eraso sexisten berri eman zuten Bilboko Konpartsek, jaiak hasi eta egun batera. Biharamunerako, beste eraso berri bat jaso zela jakinarazi behar izan zuten, eta gehiago ere eman zirela salatu. Baina jai giroan den Bizkaiko hiriburutik harago ere, astean zehar hamaika eraso sexisten berri eman da han eta hemen. Erasoen zerrenda luzeko bi gertakari salatzeko elkarretaratzeak daude deituta ostiralean, bata Gasteizen eta bestea Basaurin.
36 urteko gizon batek bere bikotekideari egindako erasoa salatuko dute Basaurin, herriko mugimendu feministak deituta (19:00etan Begoñako Andra Mari kalean). Etxean egin zion erasoa, eta mehatxuak ere jaurti zizkion. Gizona atxilotu egin zuen Basauriko udaltzaingoak, eta epailearen esku utzi. Jakin denez, atxilotuak emakumeen kontrako indarkeriarekin loturiko aurrekariak ditu, eta bere bikotekide ohiarengandik aldentzeko agindua ezarria dauka.
Bestalde, astearte goizaldean 31 urteko gizon batek emakume transexual bat bortxatu izana gaitzetsiko dute Gasteizen. Gasteizko Mugimendu Feministak eta Lumagorri elkarteak deitu dute elkarretaratzea, 19:30ean Andra Mari Zuriaren plazan. Erasoa Zaramagan gertatu zen, eta Sidalava batzordeak salatu duenez, gizonak lehendik ere behin baino gehiagotan bortxatu zuen emakumea.
Ertzaintzak gizona atxilotu eta epailearen esku utzi zuen, baina epaileak pasaportea kendu eta urruntze agindua ezarri ostean, erasotzailea epaiketa berri baten zain dago, libre.
Eraso gehiago azken egunetan
Gaur salatuko diren bi eraso horiez gain, gehiago aipatu beharrean gaude. Gasteizen bertan, igande goizaldean, 28 eta 39 urteko bi gizon atxilotu zituen Gasteizko udaltzaingoak. Atxiloketetako bat Lakuabizkarra auzoan eman zen, eta bestea Sansomendin. Kasu bietan, gizonezkoek bikotekidea eraso zuten, etxean. Epailearen esku utzi zituzten.
Ostegunean, bi adin txikikori sexu abusuak egiten ahalegindu izana leporatu diote 48 urteko gizon bati, Lakuako Segurtasun Sailak adierazi duenez. Leioako merkatalgune bateko aparkalekuan, gizona autoan zela adin txikikoengana hurbildu eta ibilgailura igotzeko gonbita luzatu zien. Adin txikiko horietako baten ama gertu zen eta hurbildu zenean, gizonak ihes egin zuen.
Emakumeak Ertzaintzara jo eta salaketa jarri zuen. Ikerketa martxan jarri ostean, abusuak leporatu dizkiote gizonari.
Ostiralean, 33 urteko gizon bat atxilotu du Ertzaintzak Mungian. Erasotzaileak bikotekidea jo, labanaz mehatxatu eta kaletik arrastaka eraman du. Emakumea ospitaleratu behar izan dute, eta gizona datozen orduetan pasako da epailearen aurretik.
Horrez guztiaz gain, 2017an egindako sexu eraso batengatik 41 urteko gizon bat atxilotu du Guardia Zibilak Arraia-Maeztun. Erasotzaileak Errioxako herri batean hitzordua jarri zuen emakumearekin, laneko elkarrizketa baten bueltan. Guardia Zibilak burututako ikerketan jasotzen denez, gizona emakumeari muxu ematen saiatu zen, eta honek ezetz erantzutean emakumea jipoitzeari ekin zion. Konorterik gabe utzi zuenean, bortxatu eta ondoren ihesari eman zion.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana