Eraso sexisten aurkako protokoloan ez du aldaketarik egingo Enrique Mayak
Navarra Sumak eraso sexisten aurkako protokoloa aldatu zuela eta sanferminetako erasoen aurkako kanpaina aldebakarrez erabaki zuela salatu zuten iragan astean Iruñeko Indarkeria Sexistaren Aurkako Emakumeen Plataformak eta Iruñeko Peñen Federazioko Talde Feministak. Emakumeen Kontseiluak gobernu taldeari egindako eskakizunen aurrean, protokoloa zegoen bezala utziko du Mayak. Ikusteke dago Sanferminetako kanpainarekin zer gertatuko den.
Pasa den astean, asteazkenean, Iruñeko Udalarekin elkarbanatu izan duten emakumeen aurkako indarkeriaren aholkularitza taldetik atera zirela jakinarazi zuten Iruñeko Indarkeria Sexistaren Aurkako Emakumeen Plataformak eta Iruñeko Peñen Federazioko Talde Feministak. Arrazoia: udal gobernuak sexu erasoen aurkako protokoloa aldatu izana, eta sanferminetako egin ohi den kanpaina mugimendu feministaren "adostasunik gabe" onartu izana.
Harrabotsa sortu zuen gertakariak, eta astelehenean Emakumeen Kontseiluak gobernu taldeari exijitu zion sanferminetako eraso sexisten aurkako protokoloa eta kanpaina osorik mantentzeko. Azkenean, Enrique Maya alkateak atzera egin du eta erasoen aurkako protokoloa bere horretan mantenduko du, Iruñeko EH Bilduko zinegotzi Eva Arangurenek ostegunean jakinarazi duenez. Koalizioak prentsaurrekoa egin du Navarra Suma egiten ari den jaien kudeaketaren gainean hitza hartzeko.
Arangurenek emandako azalpenen arabera, astelehenean ezohiko bilera egin zuen Emakumeen Kontseiluak Iruñeko Indarkeria Sexistaren Aurkako Emakumeen Plataformaren eskariz. Bileran lau puntu adostu zituzten, horietako bat izanik protokoloa zegoen bezala mantentzea, udal gobernuak egin nahi zizkion aldaketak aplikatu gabe. Eskakizun horren aurrean protokoloa 2016an adostu bezala utzi du Mayak, "bere aldaketa proposamenari dagokionez atzera egitera behartua ikusi delako", Arangurenen hitzetan.
Protokoloaren auzia itxita, orain ikusteke dago zer gertatuko den sanferminetako eraso sexisten aurkako kanpainarekin. Navarra Sumak aldaketak egin zizkion horri ere, feministek salatu zutenez. Baina Arangurenek jakinarazi du María García Barberena Navarra Sumaren zinegotziak balizko aldaketari ateak ireki dizkion adierazpenak egin dituela, esanez oraindik materiala bidali gabe dagoela eta aldaketak egiteko sasoiz dabiltzala. Kanpainari buruzko erabakiak itxi gabe daude oraindik, beraz, aukeretako bat da hor ere atzera egitea Navarra Sumak, edo ez.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.