Erasotzaileek harriak bota zizkieten adingabeko bi gazteri. Mutilari “marikoi zikina” deitu zioten, eta neskak irainak jaso zituen, laguna defendatzeagatik. Duela hilabete, beste bi eraso homofobo eta matxismo kasu bat salatu zituzten herri berean.
Ostegunean jazo zen erasoa. Crónica Vascak emandako informazioaren arabera, batxilergoko ikasle bi lagun koadrila batekin zeuden bilduta, eta inguruan zeuden gazte batzuk harriak botatzen hasi zitzaizkien. Mutilari “marikoi zikina” deitu zioten, eta azalpenak eskatuz haiengana hurbildu zenean, neskak ere irain homofoboak jaso zituen.
Astelehenean, Akelarren Aniztasunaren Aldeko Plataformak eta Zornotzako Talde Feministak elkarretaratzea egin zuten. "Baimenik ez aske izateko" lelopean salatu zituzten uztailaren 15eko eraso homofoa eta matxista.
Duela hilabete, beste eraso homofobo bat eta eraso matxista bat salatu zituzten Zornotzan. Deiak eman zuen jazoeraren berri. irain homofoboak jasan zituen mutil bat defendatzen saiatu zen Maider Uribarri 22 urteko gaztea, eta erasotzaileek hura ere mehatxatu zuten: “Birrindu egingo zaitut, lodi puta, bollera zikina”. Akelarre eta Zornotzako Talde Feministak gertatutakoa salatu zuten, orduan ere.
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.