“Alarma egoeran hartu diren neurriek are eta ikusgarriago egin dute gehiengoaren kontra eta gutxiengo baten aldeko logikan oinarritzen den sistema honek ez duela funtzionatzen”, dio Euskal Herriko Eskubide Sozialen Kartak. Lehentasunezko hamar aldarrikapen sozial egin dituzte.
Osasun krisia, sistemaren krisiaren erdian eman dela azpimarratu du Karta Sozialak, sistema kapitalista bera baita “bizitza eta kapitalaren arteko krisia areagotzen duena”. Horren lekuko, duela hiru hilabete eskas milaka lagun bildu zituen greba orokorra, pentsio, lan eta bizitza duinen alde.
Kezkaz bizi dute Karta Sozialaren atzean dauden eragileek egoera: lehenik, “langileen eta oro har herritarron osasuna delako kolokan dagoena epe laburrean”, eta epe ertainari begira, “osasun krisiaren testuingurua baliatuz elite ekonomiko eta politikoen eraso berri baten aurrean kokatu gaitezkeelako”. Hori horrela, “garaia da momentuko egoerari aurre egiteko neurriez gain, zaintzak eta bizitzak erdigunean jarriko dituen sistema berri bat eraikitzeko”.
Hamar neurri jo dituzte lehentasunezko: zerbitzu publikoak garatzea; egoera prekarioenetan dauden kolektiboak babesteko neurri eraginkorrak hartzea; oinarrizko eskubideak bermatzeko neurri zehatzak hartzea; zaintza lanak aitortu eta bermatzea; indarkeria matxistari aurre egiteko premiazko neurriak hartzea; lanpostuen defentsa egitea; informazio eskubidea bermatzea; krisiaren eragina langileek ez ordaintzea; lurraldetutako ekonomia sareak babestea; eta burujabetza bizitza sostengatzea, eskubide eta askatasunen alde, autoritarismoaren aurka.
Astearte honetan hasita, hamar puntu horiek bultzatzeko kanpaina egingo du Euskal Herriko Eskubide Sozialen Kartak.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.