Nafarroan Aldaketa Sozialerako Batzarrak erabakitze eskubidearen aldeko mahai ingurua antolatu du. Eztabaida datorren ostegunean izanen da, martxoak 12, 19:00tan Iruñeko Katakrak gunean .
Adolfo Araiz (EH Bildu), Laura Perez (Podemos), Uxue Barkos (Geroa Bai), Txema Mauleon (Izquierda-Ezkerra) eta Rebeca Remiro (Equo) izanen dira mahai inguruan parte hartuko dutenak. Eztabaida Pilar Hurtadok moderatuko du, Nafarroan Aldaketa Sozialerako Batzarreko kideak.
“Elkarlanean egin nahi ditugun eztabaida hauen helburua zera da: hauteskunde urtea den honetan Nafarroako erregimenaren erorketan laguntzea, konfluentziak bilatuko dituen dinamika abiaraztea, baita aldaketa sakon baten aldeko elkarlanak jostea ere, hauteskundeetatik harago”, adierazi dute antolatzaileek.
Mahai-ingurua asteburuko beste zita baten aperitifa ere izango da. Izan ere, larunbatean, 17:30ean, Antoniutti parketik abiatuta, manifestazioa eginen dute “Nafarroan aldaketa soziala orain” lelopean. Eragile eta mugimendu sozialek ez ezik, sindikatuek ere deialdiarekin bat egin dute.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]