EPPKk Xabier Rey omendu eta presoen hiru eguneko dolua iragarri du
EPPK Euskal Preso Politikoen Kolektiboak agiri batean omendu du Xabier Rey Urmeneta berrikitan Puerto III espetxean hilik agertu dena eta espetxeetan hiru eguneko dolua egiteko deia egin du. Reyren heriotzaren erantzuleak ere seinalatu ditu, presoen urruntze eta bakartze politika antolatu, babestu eta hori desegiteko aski egin ez dutenen artean.
ETAko preso gehienak biltzen dituen EPPK kolektiboaren agiriak honela dio bere osotasunean:
EPPKren oharra euskal jendarteari
Beste behin ere gure saminaren oihua adieraztera gatoz ohar baten bitartez. Beste behin, tamal handiz, gure kolektiboko beste kide bat erauzi digu espetxeak, salbuespenezko espetxe politika doilor horrek. Martxoaren seiko arratsaldez, Euskal Preso Politikoon Kolektiboa sakabanatuta eta bakartuta dagoen ziega bakoitzera iritsi zitzaigun gure kide Xabier Rey Urmeneta Antxo ren heriotzaren berria. Xabierren senideak eta lagunak datozkigu gogora lehenik, eta haiei adierazi nahi diegu gure doluminik sentituena, gure elkartasun osoa eta gure maitasuna.
Euskal preso politikoon aurka, Euskal Herriaren askatasunaren aldeko borrokan dena eman dutenen eta ematen jarraitzen dutenen aurka azken 40 urtean urruntasuna eta joan deneko 30etan sakabanaketa ezarri digute, eta euskal presoon urrunketaren irudi den Puerto de Santa Maria kartzelan hil da Xabier. Duela hamar urte espetxeratu zutenetik erregimen itxian edo lehen graduan sailkatuta, tratamendu krudelenean eduki dute. Erregimen hau ustez salbuespenekoa eta aldi baterakoa izan arren, modu iraunkor eta sistematikoan ezartzen digute euskal presooi, eta espetxe politika anker horren adierazgarri gordinena da Xabierren heriotza. Gorrotozko eta gizabiderik gabeko espetxe politikaren ondorioa da, ase ezinezko amorru eta mendeku goseak gidatzen duen espetxe politikaren emaitza. Xabierren heriotzak arduradun zehatzak ditu: lehena eta nagusia urrunketa eta sakabanaketa politika ezarri zuen eta gaur oraindik mantentzen duen Estatu espainola; bigarrenik, bere garaian politika hau txalotu edo babestu zutenak; eta azkenik, espetxe politika hori desaktibatzeko euskal gizartearen gehiengoak adierazten duen urgentziari beharrezkoa den irmotasunez erantzuten ez diotenak.
Xabierren heriotzagatik gure samina adierazteko, EPPK-k adierazten du euskal presook espetxeetan hiru eguneko dolua egingo dugula. Hala, Xabierren heriotza politikoki salatzeko eta berarekiko errekonozimendua adierazteko Euskal Herrian, bere herrian, martxoaren 10erako antolatu den ekimen nagusian parte hartzera dei egiten diogu gizarteari. Ekimen horrekin batera hasita, hiru eguneko dolua eta salaketa ekimenak egingo ditugu presook. Espetxe eta modulu bakoitzak hautatu eta erabakiko du zer nolako ekimenak burutu (xingola beltzak ezartzea, propaganda ekimenak, salaketa gutunak bideratzea, bazka errefusak, barauak...).
Gure oroimen kolektibo eta pertsonalean jaso eta gordeko dugu Xabier, gurekin eramango dugu bidean azken kairaino, gaurko borrokatik biharko Euskal Herri askaturaino.
Agur eta ohore, Xabier! Batasuna, elkartasuna eta herriarenganako lotura! Jo eta ke, irabazi arte!
Euskal Herria bihotzean, 2018ko martxoan
EPPK Euskal Preso Politikoen Kolektiboa
EUSKAL PRESOAK EUSKAL HERRIRA! AMNISTIA! INDEPENDENTZIA!
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]