ARGIA.eus

2022ko abenduaren 01a

Enpresaren “xantaia” eta erakundeen “presioa” salatu dute Mercedesko langileek

  • Mercedeseko zuzendaritzak iragan astean iragarri zuen 1.200 milioi euro inbertitzeko prest dagoela Gasteizko lantegian, beti ere langileek “malgutasuna” areagotzea onartzen badute. Eusko Jaurlaritzak eta Arabako Aldundiak akordio bat sinatu dute Mercedesekin asteartean, inbertsio hori sustatzeko. Bitartean, lan-hitzarmena berritzeko sindikatuen eta enpresaren arteko negoziazioek hamazortzi hilabete daramatzate blokeatuta.

Eusko Jaurlaritza, Arabako Aldundia eta Mercedes-Benz arteko "lankidetza-Protokoloa"ren sinadura, asteartean. Argazkia: @arantxa_tapia.
2022ko ekainaren 15a - 08:13

Gasteizko epaitegien aurrean eginiko kontzentrazio batean egin dituzte adierazpenak Mercedeseko ELA, LAB eta ESK sindikatuetako ordezkariek. Zuzendaritzak proposatutako aldi baterako enplegu erregulazio espedientearen inguruko epaiketa ospatu da epaitegian asteartean. Sindikatuek adierazi dute inbertsioaren aukera “positiboa” dela, baina lan-baldintzen “malgutasuna” baldintza bezala jartzea “langileei euren baldintzak kaskartzeko xantaia” ere badela. Hemezortzi hilabete daramatzate sindikatuek eta enpresak lan-hitzarmen berria adostu nahian, 34 bilera egin dituzte, baina gaur gaurkoz ez da akordiorik. Desadostasunak soldaten eta ordutegien ingurukoak dira. Langileek hainbat aldiz salatu dute, Mercedesen Gasteizko lantegiko zuzendaritzaren eta Emilio Titos zuzendariaren politika langileen, sindikatuen zein lan-baldintza duinen aurka.

Erakundeen aurka ere mintzatu dira langileak, iragan astean enpresak balizko inbertsioa iragarri bezain laster enpresaren alde egiteagatik, lan-baldintzez inongo kezkarik agertu gabe: “Enpresak dituen asmoen berri izan gabe horren alde azaltzea larria da, baina are larriagoa da langileriari eskaini dizkioten baldintzak ezagututa egitea". ESK, LAB eta ELA sindikatuek langileen asanblada deitu dute asteazken eguerdirako, mobilizazioen aukera aztertzeko. CCOOk bi orduko lanuztea deitu du.

Langileei erantzuna

Jaurlaritzatik, Bingen Zupiria bozeramaileak adierazi du Mercedesen inbertsioa “oso garrantzitsua” dela eta “elkarrizketaren eta akordioaren” bidez lortzea espero duela: “Egungo jarduera eta etorkizuna bermatzea nahitaezkoa da denon ongizatea bermatzeko”. Arabako Aldunditik, Ramiro González ahaldun nagusiak “kezka” agertu du sindikatuen jarreragatik: “Gatazka bidal daitekeen mezurik okerrena da”.

Astearte goizean egin dituzte adierazpenak ELA, LAB eta ESK-eko ordezkariek, eta astearte arratsaldean “lankidetza-protokoloa” sinatu dute Eusko Jaurlaritzak, Arabako Aldundiak eta Mercedes-Benzek Miñaoko (Gasteiz) parke teknologikoan. Bertan izan dira Ramiro González Arabako ahaldun nagusia, Arantxa Tapia Ekonomiaren Garapen, Jasangarritasun eta Ingurumen sailburua, Iñigo Urkullu Eusko Jaurlaritzako lehendakaria eta Emilio Titos Gasteizko Mercedes lantegiko zuzendaria.

Urkullu lehendakariak protokoloa "lankidetza publiko-pribatuaren aldeko adibide paregabea" dela adierazi du ekitaldian, eta adierazi du Jaurlaritzak enpresaren zerbitzura jarriko dituela Basque Research Technology Alliance eta Ingeniaritza, Zientzia eta Teknologiako Unibertsitate Prestakuntzako 4GUNE Klusterreko zentroak; Lanbide Heziketako Ikerketa Aplikaturako TEKNIKA zentroa, eta HETEL, Euskadiko Lanbide Heziketako Ikastetxeen Elkartea. Titosek adierazi du Mercedesek inbertsioa egin nahi duela Gasteizen, baina horretarako “ziurtasunak” behar dituela.

Kanal hauetan artxibatua: Langile borroka  |  Gasteiz  |  Mercedes

Langile borroka kanaletik interesatuko zaizu...
Ertzaintza metalgintzako grebalarien kontra oldartu da eta hainbat zauritu eragin ditu

Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]


2022-11-29 | ARGIA
Basurtuko kirurgia zerbitzua ixtearen eta Osakidetzak daraman politikaren aurka manifestazioa deitu dute

Basurtuko ospitaleko bihotz-kirurgia zerbitzua ixteko Osasun Sailak duen asmoa bertan behera utzi dezala eta oro har “gure osasun sistema publikoak pairatzen dituen egiturazko arazo larriei premiaz” hel diezaiela eskatzeko, manifestazioa deitu dute sindikatuek... [+]


2022-11-28 | ARGIA
Aste osoko grebari ekin dio Bizkaiko metalgintzak, babes handiarekin

Patronalak egindako azken proposamenari eskas iritzirik, Bizkaiko metalgintza sektorean aurtengo hirugarren greba deialdia egin dute sindikatuek; astelehenetik ostiralera iraungo dute lanuzteek. Lehen egunean grebak izandako babesa zabala izan dela adierazi dute.


2022-11-28 | ARGIA
Bilboko Udaltzaingoak etxekaleratze ilegala gauzatu duela salatu du AZET Etxebizitza Sindikatuak

Bilboko Udaltzaingoak legea hautsiz eta indarkeria erabiliz auzokide bat kale gorrian utzi duela salatu du Bilboko AZET Etxebizitza Sindikatuak, Blackstone funts putrearen jabetzako etxebizitza hustu ostean. Ostiralean jazo ziren gertakariak, San Frantzisko kalean, eta toki... [+]


Hauteskunde sindikalak Gasteizko Mercedesen
Mercedeseko langileek greben aldeko sindikatuak saritu dituzte, eta aurkakoak zigortu

Ekaineko eta uztaileko greba egun historikoen oroimena bizi-bizi dagoela heldu dira Arabako lantegi nagusiko hauteskunde sindikalak. Enpresa batzordearen osaera irauli dute emaitzek: grebak bultzatu zituzten sindikatuen blokeak (ELA-LAB-ESK) %24,5eko igoera izan du bozetan, eta... [+]



Irakurrienak
Argia buletina
Egunaren laburpena
zure e-postan
Eguneraketa berriak daude