Energia onez kargatu ziren igandean herritarrak Zizurkilen
Gipuzkoako Mendiak Aske taldeak antolatuta, egun pasa berezia bizi izan zuten bertaratutako herritarrek urriaren 22an Zizurkilen. Bertso saio biribila osatu zuten Aitor Bizkarra, Andoni Egaña, Maialen Lujanbio eta Oihana Iguaranek, gaiak azertu handiz jarri zituen Saroi Jauregiren harian. "Energiak ezbaian" izeneko bertso saio honetan umore kritikoa izan zen nagusi. Osagai ekologikoz egindako bazkari ederra gozatu zuten ondoren bazkaltzera geratu zirenek eta kantuek eta elkarrizketek girotu zuten arratsaldea. Bere urteurrena ospatu zuen egun honen bidez mugimenduak, eta "mendietan eolikorik ez" mezuak hartu zituen Zizurkilgo hormak.
Urtebete bada Elosun 200 metroko haize errota irudikatu zutela herritarrek, energia berriztagarriak ekoizteko "makro-zentral industrialak" mendietan ez ezartzeko eskatuz. Urtebeteko ibilbidea balioan jartzeko eta aurrera begira indarrak hartzeko, Zizurkilen egun pasa egin zuen urriaren 22an Gipuzkoako Mendiak Aske taldeak.
Bertso saioa, herritarren artean elkarrizketa bultzatzeko
"Bandoen gudan" erori gabe, energiari buruzko elkarrizketak plazara ateratzea eta herritarrei horretarako gonbidapena zabaltzea bilatu zuen bertso saioak. Gonbidapenari erantzunez, hainbat herritatik etorritako publikoak goxo bete zituen Zizurkil Goiko elizaren beheko bankuak eta goiko korua. Lehen aldia zen bertan bertso saioa egin zena.
Saroi Jauregik gaien bidez hasieratik bideratu zuen saioa, jarrera eta ikuspegien zabaltasuna oinarri gisa balioan jarriz. Energiaren gaiari angelu anitzetatik kantatu zioten bertsolariek. Eguneroko bizitzaren autokritika egin zuten bertso bidez, boterearekiko eta "berdezko zurikeriarekiko" kritika fina ere bai, eta egoera guztietan umorea atera izana estimatu zuen entzuleak. Hasi eta buka saio biribila osatu zuten, intentsitatea goi mailan mantenduz saio osoan zehar.
Aiurri hedabidean ikusentzun daitezke saioko hainbat bertsoaldi:
- Egaña inteligentzia artifizialeko erabiltzailea eta Lujanbio bere gidaria
- Bizkarra eta Iguaran, On Kixote eta Sancho Panzaren paperean
- Lujanbio beste hirurei kantuan, energia toxikoa eta energia ona duten laguntasunez
- Bizkarra eta Lujanbio puntuei erantzunez
- Saioaren bukaera, lauak puntuka
Bertsoa hedabidean ikusentzun daitezke saioko beste bertsoaldi hauek:
- Egaña eta Bizkarra, haize erroten eztabaida "bi bandoen herrian"
- Iguaran eta Lujanbio, "berdea"ren konotazio anitzez
Herri bazkaria eta bazkalosteko giroa
Lehengai ekologikoz osatutako bazkari ederra gozatu zuten bertso saioaren ostean bazkaltzen geratu ziren ehun lagunek. Elikagai bakoitzaren jatorria eta zehazki zein ekoizlerena zen zehaztu zuen antolakuntzak karteletan.
Bazkalostean kanturako giroa jarri zuen Ezkeltzu Bizirik taldeko kide Patxi Otegik, kitarra eta musu-kitarra eskuan kantu herrikoiak kantatu baitzituen, bazkaltiarrak ere kantuan jarriz.
Zentral eolikoko proiektu zehatzei aurre egiteko herrietan sortu diren taldeetako kideek bazkalostea baliatu zuten berriketan aritzeko, bakoitza zertan ari den, egoeraren zer irakurketa egiten duen... nekeari eta giro hotzari aurre egiteko energia batu zuten, elkarri emandako berotasunetik.
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren 16tik 18ra EH Bizirik sareak deituta kanpaldia egin berri dute Uribarri Jauregin. Hainbat ekintza, hitzaldi eta tailer egin zituzten bertan. Besteak beste, Lemoizko zentral nuklearraren, Pasaiako superportuaren eta Olaztiko erraustegiaren aurkako borroketan ibilitako... [+]
Haize Berria plataformak, Enigma Green Power enpresak Odieta, Olaibar, Anue eta Esteribar inguruan ezarri nahi dituen zazpi parke eolikoek eragin ditzaketen kalteak salatu zituen berriki. Ekainaren 11n bukatzen da proiektuaren kontrako elegiteak aurkezteko epea.
231.000 panel jarriko dituzte, Arabako hego-mendebaldeko ehun hektareatan zehar: Armiñonen. EUskal Herriko bigarren eguzki parke handiena izango da.
Gasteizko teilatuetan panel fotovoltaikoak jarriz, hiriak kontsumitzen duen elektrizitatearen % 38 lor daitekeela kalkulatu du EHUko Ekopol ikerketa-taldeak. Beraiek garatu duten zehaztasun handiko metodologia batez erabiliz iritsi dira ondorio horretara.
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola izan den azaldu du.