Emakumeak gauez kalean bakarrik ez ibiltzea, "jaietan gozatu ahal izateko gomendio logikoa" da Ertzaintzaren ustez

  • Radio Euskadin elkarrizketatu dute Gasteizko ertzain-etxeko buru Victoria Landa. Jaietan sexu erasoak saihesteko Ertzaintzak argitaratutako gomendioek piztu polemikoaz dio haien helburua ez dela "emakumeen askatasuna mugatzea, segurtasunez bizitzeko tresnak eskaintzea baizik".


2019ko abuztuaren 07an - 12:52
Zumaiako jaietan mugimendu feministak egindako manifestazioa "ez dugu beldurrik" lelopean. Argazkia: Baleike

Segurtasun Sailak eta Gasteizko Udaltzaingoak esku-orri batzuk zabaldu dituzte Gasteizko jaietan. Horietako batean sexu erasoak saihesteko hainbat gomendio bildu dute. Besteren artean, kalean bakarrik ez ibiltzea eta leku bazterrak eta gaizki argiztatutakoak saihestea gomendatu diete emakume guztiei, baita aldez aurretik ezagutzen ez dutenekin [sare sozialen bidez] ez geratzea ere.

Pertsona eta talde feminista askoren kritika eragin dute Ertzaintzaren aholkuek, "erasoen ardura emakumeei egoztea" edo "askatasunari mugak jartzea dela" azpimarratuz. Kontu horretaz mintzatu da Gasteizko ertzain-etxeko buru Victoria Landa. Haren esanetan, hirugarren urtea da "Euskadiko herri eta hiriburueetan" gomendiook zabaldu dituztena, baina aurtean lehen aldia izan da zeresana eman dutena.

Ertzaintzako kideak azpimarratu du haien helburua autoprebentzioa dela eta horregatik eman dituzten aholkuak "logikoak, sinpleak eta errazak" direla. Neurriak "arrisku egoerak sahiesteko baliagarriak izango dira, eta, hala, jaietan gozatzeko ekarpenik onena izango dira", ziurtatu du. Hau bezalako aholkuen bidez "emakumeen askatasuna mugatu baino, segurtasunez bizitzeko tresnak" eskaini nahi dituztela adierazi du Landak.


Kanal honetatik interesatuko zaizu: Sexu Erasoak
Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude