Emakumeen egoera 1936ko estatu kolpearen ondoko urteetan isilean iragan bada ere, "emakume izanagatik" kartzeletan pairatu zutena argitara eman nahi du Papillons, esangabeko hitza erakusketak Irunen.
Errepresaliatutako emakume errepublikarrek kartzela frankistetan jasandako umiliazioen berri ematen du gordin Irungo Udaleko Memoria Historikoaren Bulegoak Oiasso Museoan antolatu duen erakusketak. Urriaren 4 honetan estreinatu dute, eta hilaren 16a arte bisita daiteke Papillons, esangabeko hitza izeneko erakusketa.
Oiasso Museoko zuzendariak, Aizpea Goenagak azaldu duenez, "barruak nahasten dituen erakusketa da, ikus daitekeen dokumentala eta guzi, baina entzun behar da, ezagutu behar dugu". Gordina izanagatik ere, gertutasun handiko erakusketa dela nabarmendu du.
Udalak antolatu duen ziklo baten aurrenekoa besterik ez da. Oroimen historikoan sakontzen jarraitzeko helburuarekin, bigarren erakusketa nazien kontzentrazio-esparruei buruzko Deportazioa, bakardadea eta isiltasuna izango da, Amical Mauthausen elkartearen eskutik, urriaren 18tik 30era.
Eta hirugarrena, hitzaldi bat izango da, urriaren 27an Amaia KZn. Carlos Hernández de Miguel kazetariak emango du, "Los campos de concentración de Franco" izenburupean. Eta bertan aipamen berezia egingo die Euskadin izan ziren kontzentrazio-esparruei.
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
1922tik II. Mundu Gerra artean Emakume Abertzaleen Batzak bildutako 23.000 emakumeren historia laburbiltzen duen erakusketa antolatu dute Irunen.
Eusko Jaurlaritzaren memoria arloko ordezkaritza bat Urduñako espetxean hildako presoen senideen bila ari da Extremaduran, herriko hilerritik ateratako gorpuzkien identifikazio genetikoa egiteko. Larunbatean aurkeztuko ditu orain arte egindako lanak Castueran (Badajoz).
Oraindik, ez dago zabalik, baina irailaren 13tik aurrera, erabili ahal izango da.