Emakume bertsolarien lekukotzak batu ditu Uxue Alberdik

  • Plazan topetan dituen mugak identifikau ditu Kontrako eztarritik saiakeran.

Bizkaie @Bizkaie
2019ko martxoaren 05a
Uxue Alberdi, liburuaren aurkezpenean (argazkia: Bertsoa.eus)

Gaur egun plazan ibilten diran hamabost emakume bertsolari aukeratu ditu Uxue Alberdik, belaunaldi, jatorri eta estilo desbardinetakoak, eta gai beraren inguruan daukien ikuspegia azaltzeko eskatu deutse. Hau da, bertsotan dabizanean emakume izateak dakarren pisua eta ia zelan sentiduten diran hartzaileak euren bertsoak jasoteko orduan, emakume izatearen ikuspuntutik. Hamabost testigantzak batu eta pasarterik esanguratsuenak alkarregaz lotuta jaio da Kontrako eztarritik (Susa).

Honeek dira parte hartu daben hamabost bertsolariak: Amaia Agirre, Ainhoa Agirreazaldegi, Maialen Akizu, Miren Amuriza, Maider Arregi, Miren Artetxe, Maddalen Arzallus, Oihana Bartra, Onintza Enbeita, Nerea Ibarzabal, Oihana Iguaran, Ane Labaka, Alaia Martin, Eli Pagola eta Jone Uria.

Gaur egungo emakume bertsolarien ahotsa liburura ekarten ahalegindu da, eurak dira subjektua. Uxue Alberdik alkarren alboan ipini ditu lekukotzak, alkarrizketan egongo balira legez. Hortaz, narratzailea gitxi agiri da kontakizunean.

Hamabost bertsolariek kontau dituen egoeren edo sentimenduen artean, Uxue Alberdik 21 mekanismo identifikau ditu, euren bertsokerea izkutatzeko edo azpiratzeko balio dabenak. Itxureagaitik epaituak izatea, ikusezintasuna, gizonen arteko aliantzak... dira emakume bertsolariek euren jardunean topetan dituen trabak. Literaturan, musikan eta abar egindako antzeko ikerketetan oinarritu da Alberdi mekanismoak identifiketako.

Egileak onartu dau ez dala lan erosoa izan, emakumeek ia konturatu barik jasaten dituen biolentziak azaleratu egiten diralako, zelanbait ahoskatu egiten diralako. Emakumeen indarra txalotu dau Alberdik, bertsotan egiteko daukien gogoa. Kolektibo sendoa dira eta horri esker atera leiteke Kontrako eztarritik, beharbada orain dala urte batzuk ezin izango zan, egilearen ustez.

Bertsolaritzearen etorkizunaren inguruko gogoetearen erdian dator saiakera hau, izkutuan egon diran hainbat gai azaleratzeko balio izango dauelakoan dago Uxue Alberdi. Emakumeek jakin izan dabe euren burrukea erdigunera eroaten eta hori kontuan izan beharko dau bertsoaren munduak aurrera egiteko.

Albiste hau Bizkaiek argitaratu du eta gurera ekarri dugu, CC-By-SA lizentziari esker.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Emakume bertsolariak  |  Feminismoa  |  Euskal Herria  |  Matxismoa

Emakume bertsolariak kanaletik interesatuko zaizu...
2018-11-25 | Estitxu Eizagirre
Bertsolaritzaren genealogia feminista, infografia batean

Emakume bertsolari garaikideen genealogia eraiki dute infografia batean Ainhoa Agirreazaldegi, Uxue Alberdi, Miren Artetxe eta Ane Labaka bertsolariek eta Txakur Gorria kolektiboko Malen Amenabar eta Mariñe Arbeok. Mugarriz mugarri, bide kolektiboaren bilakaera modu artistikoan islatu dute, bertsolari gazteek hutsetik hastearen sentipenarekin, “betiko harriarekin” estropezu egin ez dezaten. (8 euroan salgai ARGIAren Azokan eta Berria, Jakin eta Lankuren webguneetan).


2018-09-09 | Dabi Piedra
Txosna arteko errimak

Bilboko Aste Nagusian (abuztuaren 21ean), Mamiki konpartsan eginiko bertso saio feministaren kronika. Bertsolariak: Iratxe Ibarra, Oihane Perea eta Jone Uria.


Hau dena aldatu nahi nuke

Ez da kasualitatea bertso saioaren kronika. Ekainaren 26an Iruñean, Katakraken.


2017-06-25 | Estitxu Eizagirre
Arabako bertsolaritza
Txapela janzteko modukoa

Aroa Arrizubieta Barredo (Gasteiz, 2001) izan da bertsotan Euskal Herriko txapela jantzi duen lehen arabarra. Saran jantzi zuen Eskolarteko txapela ekainaren 10ean, Amets Arzallus txapeldun nagusiaren eskutik. Arrizubietarekin eta bertso eskolako irakasle Oier Arbina Badillo-rekin (Agurain, 1992) bildu gara, Arabako bertsolari gazteen panorama ezagutzeko. Lan handiaren saritzat daukate lortutako txapela, eta etorkizunean Euskal Herriko saioetan arabarrek ere kantatuko dutela desio dute.


2016-09-27 | Estitxu Eizagirre
Emakume etxeak lotuko ditu "Testurak" bertso emanaldi bereziak

Ostiral honetan egingo da lehen saioa, Eibarko Andretxean, 19:00etan. Ordutik abendura bitartean, sei bertso jaialdi gehiago egingo dira emakumeen testu literarioak oinarri hartuta.


Eguneraketa berriak daude