Emakume bati sexu abusuak egiteagatik, bigarren kartzela zigorra ‘La Manada’-ko lauri
Pozoblancoko (Andaluzia) kasuagatik, fiskaltzak espetxe zigorra eskatu du Sanferminetako talde bortxaketan parte hartu zuten bost kideetatik laurentzako. Espainiako Ministerio Publikoaren idatziak argi adierazten du konorterik gabe zegoen emakume bati sexu abusuak egin zizikiotela.
Pozoblancoko gertakarien harira, Kordobako fiskaltzak sexu abusuengatik hiruna urteko espetxe zigorra eskatu du lau akusatuentzat, eta intimitatearen kontrako delituagatik beste launa urtekoa. Horrez gain, 720 euroko isuna ezarri dio beraietako bati, emakumeari eragindako lesio arinengatik.
Erasoa Sanferminetako bortxaketa baino pare bat hilabete lehenago jazo zen, 2016ko maiatzaren 1ean. Gaua jai giroan igaro ostean, autoan etxera hurbiltzea eskaini zioten emakumeari. Grabaketek erakusten dutenez, behin autoan, lau gizonezkoak sexu abusuak egin zizkioten. Erasotuak konortea galduta zetzan, nahiz eta ez den argitu egoera hori zerk eragina zen: jakinaren gainean egindako droga kontsumoak, ala oharkabean irentsitako sustantziaren batek. Idatziak jasotzen duenez, konorte galera medio, emakumea ez da gogoratzen autoean egindako ibilbidean gertatutakoaz.
Pozoblancora heldutakoan, erasotzaileetako hiru autotik jaitsi ziren eta laugarren batek aurrera egin zuen, emakumea oraindik autoan zela. Konortea berreskuratzean gidariak harreman sexualak izatera bultzatu nahi izan zuen, eta emakumearen ezezkoaren aurrean, kolpatu eta iraindu egin zuen, autotik botaz.
Sanferminetako kasuaren epaiketan kontutan hartu gabeko erasoa
2016ko Sanferminetan jazotako talde bortxaketaren harira abiatutako ikerketaren bidez jakin izan da Pozoblancoko erasoari buruz, fiskaltzak jakitera eman duenez. Akusatuetako baten mugikorrean aurkitu zituzten erasoa jasotzen zuten irudiak. Alabaina, Sanferminetako talde bortxaketa kasua epaitzerako orduan gertakariok ez dira kontutan hartu, ez aurrekari ez aztarna gisa.
Iruñeko erasoari dagokionez, Espainiako Auzitegi Gorenak kasuaren gaineko epai irmoa eman artean bost bortxatzaileak aske mantentzeko erabakia hartu zuen Nafarroako Auzitegi Nagusiak. Orain, Nafarroako Lurralde Auzitegiak akusatuei eskatutako bederatzina urteko kartzela zigorrari beste zazpina urteko zigor eskaera hau gehitzen zaio. Kordobako fiskaltzak Pozoblancoko kasuaren larritasuna azpimarratuta, ikusteke dago Kordoban edo Iruñean akusatuen askatasun egoera berriz baloratuko den.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]