Elkartasun Ikastolak 900.000 euro inguru banatu ditu behar handiena duten ikastolen artean
Koldo Tellitu Elkartasun Ikastoletako lehendakariak azpimarratu duenez, elkartasun adierazpen “handia” da, eta halaber, ikastola bakoitza Ikastola mugimenduaren, Ikastola proiektuaren eta Ikastola ereduaren tokiko adierazpena.
Elkartasun Ikastolak Europar Kooperatiba Elkartearen Batzar Nagusia egin du Hernanin. Batzartutako kooperatibistek 872.000 euro banatu dituzte eskaera egin eta premiarik handiena duten ikastolei laguntzeko.
Sortze eta garapen fasean edota krisian dauden ikastolek aurrera egin dezaten, gainerako ikastolek egiten duten elkartasun adierazpena da 1990.eko hamarkadan sortu zen Elkartasun Kutxa. Urtero 800.000 eurotik gora banatzen dituzte.
Tellituk jakinarazi duenez, “banatzen den dirua ikastolen sareko 56.860 ikasleen gurasoek ordaintzen dituzten urteko kuotetatik lortzen da”.
Ikastolek euren buruari eskaini zioten tresna “eraginkor” honen bitartez, hainbat proiektu aurrera atera dira azken urteetan. Gaur egun proiektu horiek sendoak eta osasuntsuak izaten jarraitzen dutela adierazi du elkarteak.
Hirugarren urtez Xiberoako ikastolei bultzada emanen die Tulalaika bestak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Ostiral goizaldean igaro zen Korrika Zuberoatik, eta denbora tarte txikia egin bazuen ere, balio izan du erakusteko euskararen aldeko atxikimendua handituz doala, eta gazteak indartsu datozela. “Ikastolatik kanpo euskarazko aktibitateak egitea konplikatua da, baina... [+]
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.