Elkarretaratzea deitu du Durangoko Sarek, Gregorio Vicario presoaren egoera salatzeko
Durangoko Sarek elkarretaratzea deitu du azaroaren 18an, 19:30ean, Andra Mariko elizpean. Etxerat-ek jakinarazi du Gregorio Vicario Durangoko presoa Burgosko espetxetik Leongo ospitalera eraman dutela bypass koronario bat jartzeko ebakuntza egin ahal izateko.
64 urte dituen Gregorio Vicario euskal preso durangarrak eta Leongo ospitalean da, bypass koronario bat jartzeko ebakuntzaren harira. Presoaren egoera salatzeko eta etxeratzea eskatzeko elkarretaratzea eginen dute arratsalde honetan Durangon. Hitzordua 19:30ean Andra mariko elizpean jarri du Durangoko Sarek.
Denbora batez bularraldean mina izan ondoren, bere gaitzarekin lotutako lehen abisua 2020ko maiatzean eman zuen, Topaseko espetxean zegoela. Ospitaleko errebisio baten ondoren, kartzelara itzuli zuten. Burgosko espetxean egon den denbora honetan, Vicario Setien larrialdietara eraman zuten urtarrilean eta otsailean, mina eta zorabioak izateagatik. Joan den martxoan kardiologiako kontsulta bat izan zuen, ekainaren 17an esfortzu-proba bat egiteko itxaron-zerrendan zegoela baieztatu baitzioten. Urriaren 26an egin zioten proba hori Burgosko Ospitaleko Medikuntza Nuklearreko Departamentuan, eta euskal presoari hedadura handiko iskemia larria antzeman zioten. Bere egoera larria zela eta, joan den azaroaren 3an kateterismo bat egin eta stent bat jarri zioten.
Preso durangarrak 64 urte ditu eta Etxerat-ek zehaztera eman duenari segi, 22 urte geratzen zaizkio espetxealdia betetzeko. Euskal Herriko presondegi batera eramateko hainbat ukapen jaso dituela salatu du Etxerat-ek. Adibidez, joan zen uztailean Burgoseko espetxean gelditzea agindu zuen Espainiako Espetxe Erakundeetako Idazkaritza Nagusiak, Tratamendu Batzordeak Euskal Herriko espetxe batera lekualdatzeko hartutako erabakiaren kontra eginez. Presondegian mantentzeak "apurka-apurka presoaren osasunaren apurtzea dakarrela" salatzen du Etxerat-ek. Hori horrela, presoari eta honen familiari elkartasuna adierazteaz gain, ondokoa eskatzen dabil: "Espetxe-administrazioari eskatzen diogu berehalako irtenbide humanitarioak har ditzala, Gregorio Vicario espetxetik ateratzeko edo espetxeratze arindua egiteko, baita gaixotasun larriak dituzten beste hemeretzi euskal presoei ere neurri bera aplikatzeko ere".
Beste lau preso Euskal Herriko kartzeletara
Espainiako Espetxe Erakundeek jakinarazi dutenez, beste lau euskal preso ekarriko dituzte Euskal Herriko kartzeletara: Santi Aragon Logroñotik Martutenera ekarriko dute; Juan Karlos Herrador, El Duesotik Basaurira, eta Josu Ginea eta Iker Lima, berriz, Leondik Basaurira.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
