ARGIA.eus

2021eko azaroaren 28a

Elkano Hankaz Gora! ekimena abiarazi dute Lekeition, "zapalduen historia azaleratzeko"

  • Elkanoren mundu birak suposatu zuena argitu eta "zapalduen memoria berreskuratzeko" asmoz, momentuz, hiru hitzaldi antolatu dituzte. Lehenengoa ostegunean, urriak 28, izango da, 18:30ean, Lekeitioko Kultur Etxean, ARGIAko Axier Lopez kazetariaren eskutik.

Lea-Artibai eta Mutrikuko Hitza @leakohitza  |  Asier Alkorta
2021eko urriaren 26a
Elkanoren Nao Victoria itsasontzi-museoa 2018ko udan Lekeitiora heldu zenean, inperialismoaren aurkako elkarretaratzea egin zuten hainbat herritarrek.

Datorren urtean Elkano-Magallaesen mundubiraren 500. urteurrena beteko dela eta, mundubira hori goraipatzeko hainbat ekintza egiten ari dira askotariko erakundeak. Baina Lekeitioko herritar batzuek ez dute diskurtso ofizialarekin bat egiten, eta espedizio hori zer izan zen azaleratzeko helburuz Elkano Hankaz Gora! ekimena jarri dute abian; 40 eragile baino gehiagok babestutako Elkanori bira manifestuarekin ere bat egin dute.

Momentuz hiru hitzaldi antolatu dituzte, eta lehenengoa eguenean [urriak 28] izango da, 18:30ean, Lekeitioko kultur etxean. Lehenengo hitzaldi hori Axier Lopez Argia-ko kazetariak eskainiko du, eta Ez naiz kolonialista baina… izenburua dauka.

Ekimenaren logoa

Ekimenaren bultzatzaileek diote historia menperatzaileen interesen arabera idatzi eta kontatzen dela; boterean dagoenak idazten du historia. “Horren adibide argia dugu Elkano-Magallanesen mundubiraren (1519-1522) kontakizun ofiziala. Urteurrenaren harira, Espainiako Gobernu eta Espainiako armadaren ‘balentria paregabea’ eta Elkanoren irudia omendu eta goraipatzeko kanpaina jarri zuten abian 2018an. Gurean ere Elkano 500 fundazioa sortu dute, eta, besteak beste, Lekeitioko Udalak Lekeitioko Ituna izeneko akordioa sortu du urteurrenaren harira antolatutako ekimenak bultzatzeko eta Espainiako Inperioaren espedizio hartako euskaldunen parte hartzea nabarmentzeko”. Esan dute ez daudela garai historiko batzuk gogoratzearen kontra, baina gaineratu dute eurei dagokiela “zapalduen memoria berreskuratzea eta kontatzea. Hau da, kontakizun ofiziala kolokan jartzea”.

Mundubira nola egin zen eta horrek suposatu zuena kontatzeaz gain, “kolonizazio eta konkistarako espedizioa” izan zela ere kontatu beharko luketela diote. “Kontatuko digute Elkano heroi bat izan zela, abenturazale ausart bat, euskal enbaxadorea… Baina kontatuko ote digute espedizio hartan leku ‘berri’ gehienetan lapurreta, hilketa, bortxaketa… egiteaz gain Filipinetako herrialdeak kolonizatzeko lehen harria jarri zutela eta horren ondorioak?”. Gaineratu dute 500 urte atzerago gertatutakoa oraina ere badela. “Orduko kolonizazio, genozidio eta arpilatzea gaur egungo kapitalismoaren ezinbesteko bultzatzaile izan zen”

Bigarren hitzaldia azaroaren 24an izango da, eta horretan Iñaki Gil de San Vicente izango da hizlaria. Hirugarren eta azken hitzaldia abenduaren 16an egingo da, Idoia Arrietaren eskutik.

Kanal hauetan artxibatua: Elkanoren mundu bira  |  Lekeitio

Elkanoren mundu bira kanaletik interesatuko zaizu...
2021-05-14 | Hamaika Telebista
Elkanori bira: bazterketarik gabeko historia, kultura eta etorkizunaren alde
MULTIMEDIA - elkarrizketa

Elkanori Bira herri ekimena Getaria inguruko hainbat internazionalistak, historialarik, idazlek eta kazetarik sustatutako ekimena da, 2019ko uztailean sortua, ehun bat herri mugimendu eta eragileren babesarekin. Elkanoren eta historia eurozentristaren inguruan hausnarketa... [+]


2021-05-04 | ARGIA
Elkanoren omenez irailaren 6a jai eguna izango da EAEn

Juan Sebastian Elkano “historiak bidegabeki tratatu” duen pertsonaia dela iritzita, omenaldi modura hurrengo urteko irailaren 6a EAEn jai eguna izango dela iragarri du Eusko Jaurlaritzak, munduari egindako lehen biraren bosgarren mendeurrena ospatzeko. Marinelaren... [+]


2021-02-17 | ARGIA
2022ko irailaren 6a "Elkano Eguna" izendatu eta jai eguna izatea nahi du Jaurlaritzak

Joan Sebastian Elkano getariarrak Andaluziara heldu eta munduari bira ematen amaitu zuen eguna jai egun izendatu nahi du Urkulluren gobernuak 2022rako, "Elkano Eguna" izendatuz.


Patagoniak 500 urte: ospatzeko ezer ez

Elkanoren Mundu Birako V. mendeurrenarekin lotutako goraipamen eta ospakizun ofizialak Txile eta Argentinara ere heldu dira. Magallaesen espedizioko gizonak izan ziren Amerikako Hegoaldeko herritarrekin topo egin zuten lehen europarrak. Edo, hobeto esanda, artikuluaren egileen... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude