Eliza Katolikoak 1.122 ondare erregistratu zituen Euskal Herrian José María Aznarren legealdian
José María Aznarren legealdian (1998 eta 2015 artean) Elizak immatrikulatutako ondasunak erreklamatzeko bidea zabaldu du Espainiako Gobernuak.
Aznar Espainiako presidente zela, Elizak bere alde erregistratu zituen ondareen zerrenda publikatu da aste honetan. Araba, Bizkaia, Gipuzkoa eta Nafarroan 1.122 ondasun izan dira guztira. Kontsulta publikoan dago zerrenda, jabetza eskubideak dituztela uste duten pertsonek erreklamazio prozesuak ahalbidetzeko. ElDiario.es komunikabideak zerrenda eskuragarri jarri du bere webgunean.
Nafarroako kasuan 1.034 izan dira Elizak immatrikulatu dituen ondasunak, 1998tik 2015era arte. Araba, Bizkaia eta Gipuzkoaren kasuan, hiru lurraldeak batuz, 88 ondasun erregistratu zituen Elizak. Euskal Herriari dagokionez, 913 gurtza tenplu eta alboko eraikinak dira, eta beste 209ak, lur, etxe edo bestelako ondasunak. Nafarroan 887 gurtza tenpluak eta 147 bestelakoak. Beste hiru lurraldeetan aldiz, 26 gurtza tenpluak eta 62 etxe, lur edo bestelakoak.
Hipoteken Legea
Aznarren PPk bultzatutako legeak, eraikinak, apartamentuak edo finkak bere izenean erregistratzeko aukera eman zuen, eliza-ziurtagiri bakarrarekin. Frankismoaren ondoren legeak baliogabetzeko epea ireki zen, baina 1946ko Hipoteken Legea ez zen inpugnatu eta indarrean jarraitu zuen. Aznarren gobernuak Hipoteken Legea berriztu zuen eta gurtzeko tenpluak ere immatrikulatzeko aukera eman zion Elizari. Legea 2015era arte izan da indarrean. Aste honetan publikatutako zerrendan, 1998-2015 bitarteko immatrikulazioak bakarrik ageri dira, frankismo garaikoak ez dira sartzen zerrendan.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]