ELAk ez ditu EITBren 2021erako aurrekontuak onartu urriak direlako

  • Administrazio Kontseiluan ezezko botoa eman du ELAk. 2021erako 142 milioi euroko aurrekontuak aurkeztu dira eta sindikatuaren ustez kopuru hori irrati-telebista publikoak izan beharko lukeen finantzaziotik urruti dago.


2020ko abenduaren 21an - 12:29
EITBren egoitza nagusia Bilbon.

Sindikatuak berak argitara emandako oharrean dio 2009an Eusko Jaurlaritzak 190 milioi euroko inbertsio publikoa egin zuela EITBn, orain egin duena baino %25 handiagoa. 2021eko kopurua Europako beste hedabide publiko batzuek dituztenetatik oso urrun dagoela dio, baita Espainiako eta Frantziako estatukoetatik ere.

Helburua bada kalitatezko komunikazio zerbitzu publiko independentea, baliabidez hornitua eta behar adina langile dauzkana eskaintzea, sindikatuak dio finantzazioak tamainakoa izan behar duela eta batik bat publikoa. Aurrekontuok ez dute balioko helburu horiek lortzen. Helburuak lortzeko bi aukera proposatu ditu ELAk: 2009ko aurrekontu kopuruari eustea edo EITBn egiten den inbertsio publikoaren eboluzioa ekonomiaren hazkundearen parekoa izatea.

 


Kanal honetatik interesatuko zaizu: EITB
2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


2023-10-22 | Lander Arretxea
Unai Iparragirre, ETBko zuzendaria
"Euskara ulertzen ez dutenak ere ETBren unibertsoan nahi ditut"

2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.


2023-09-29 | ARGIA
EITB mediako langileek Pablo Gonzálezen egoera larria salatu dute

EITB Mediako langileek ostegunean Pablo González kazetariak bizi duen egoerari ikusgarritasuna eman nahi izan diote, "euskal gizarteak ez dezan ahaztu sufritzen ari den bidegabekeria larria", ELAk zabaldu duenez.


Eguneraketa berriak daude