ELAk eskatu du lan-istripu gisa onartzeko Bidasoan hilda aurkitu duten Elizondoko gizonaren heriotza
Lanera bidean zihoan 61 urteko gizona. Sindikatuak salatu du patronalak alde batera uzten dituela “in itinere” gertatutako heriotzak, baina ohartarazi du estatistika ofizialek erakusten dutela laneko heriotzen erdiak desplazamenduetan jazotzen direla.
Lesakako Arcelor Mittal enpresako langile bat hil zen pasa den ostiralean Nafarroan, denboralearen ondorioz. Elizondoko 61 urteko gizonezkoa lanera bidean zihoala desagertu zen, eta Bidasoa ibaian topatu zuten haren gorpua. ELA sindikatuak elkartasun mezua bidali die hildakoaren gertukoei, eta ohar baten bidez eskatu du lan-istripu gisa aitortzeko heriotza: “Lanera bidean izandako ezbeharrak lan-istripuak dira”.
Sindikatuak salatu du patronalak alde batera uzten dituela “in itinere” jazotako heriotzak, baina gogorarazi dute estatistiken arabera laneko heriotzen gutxienez erdiak trafiko istripuetan izaten direla, lan-arrazoiengatik izandako mugikortasunean. Ohartarazi dute “enpresa gutxik” sartzen dutela prebentzio-planaren baitan langileen desplazamenduarekin lotutako neurririk.
Horregatik, Nafarroako Gobernuak esku hartzea “premiazkoa” dela aldarrikatu dute, “laneko bide-ezbeharren kopuruak gora egin duelako”. Gobernuari eskatu diote gizarte-hitzarmeneko politika ez eraginkorrak haustea eta enpresetan esku-hartze publikoa areagotzea. Azpimarratu dute aurten Nafarroan trafiko istripuz hildako hamasei pertsonatik sei “in itinere” izan direla. Hildakoak Hexacomb, Murillo el Fruto, Diario de Navarra, Monde lez, Envaplaster eta azkena Arcelor Mittal enpresetako langileak dira.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.