ELA, LAB eta CCOO Osakidetzak aurkeztutako 3.335 lanpostuko EPEaren kontra agertu dira

  • Osakidetzak, UGTk, SATSE erizain sindikatuak eta SME mediku sindikatuak adostu dute 3.335 lanpostuko EPEa ateratzea. Behin-behinekotasuna %8tik behera jaisteko beharrezko ziren 10.000 lanpostuetatik urrun egongo dela salatu du ELAk.

Xalba Ramirez @xalbaram
2017ko ekainaren 26a

2016-2017 ikasturterako izango da Osakidetzak inoiz egindako enplegu publikorako eskaintzarik handiena, baina desadostasun handiak sortu ditu sindikatuen eta instituzioaren artean. “Sentitzen dugu ELA eta CCOO bezalako sindikatuek zerbitzu publikoak hobetzeko politikarik ez egitea, egiten ari diren politika Eusko Jaurlaritzaren kontrakoa izatea baizik” esan du Osakidetzak.

ELAk behin-behinekotasuna hemendik hiru urtera egungo %43tik %8ra murrizteko egonkortze prozesua eskatu dio Osakidetzari; horretarako 10.000 lanpostu egonkortzea beharrezkoa dela uste du sindikatuak.

Hala ere, lehen aldia da 2010etik behin-behinekotasuna jaisten dela, eta hori txalotu dute, borroka eta mobilizazioei esker izan dela gogoratuz; besteak beste 2015eko apirilean bi greba egun egin zituzten Osakidetzan dauden sindikatu guztiek gai hau tarteko.

LABek eta CCOOek ildo beretik kritikatu dute akordioa, negoziatzen jarraitzeko beharra azpimarratuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Osakidetzako gatazka  |  Prekarietatea  |  ELA  |  LAB  |  Eusko Jaurlaritza

Osakidetzako gatazka kanaletik interesatuko zaizu...
Azkenak
EGILEA
Eguneraketa berriak daude