“Ekosistema elikagarriak diseinatzen ditut permakultura bulegoan”
Felix Blot gazte azkaindarrak 2018tik du martxan permakultura zerbitzuak eskaintzen dituen bulegoa. Senpereko eskolan hasi zen naturaren kudeaketaren inguruan hausnartzen eta ikasten, eta naturako bioaniztasuna eta elikagaien ekoizpena aparteko bi gauza bezala ikusten zirela ohartu zen: “Batetik, janaria ekoizten du gizakiak, eta bestetik, naturan santutegi modukoak egiten ditu, horien babesteko. Bada, ohartu nintzen biak nahasi zitezkeela, alegia, posible zela bioaniztasuna babestuz edo hobetuz gure beharrei erantzutea”. Landetara joan zen hango ekogunean urtebetez baratzegintza biologikoa ikastera, eta ondoren, hartutako bidearekin segituz, permakulturaren munduan murgildu zen.
Bloten hitzetan, ekosistema naturala imitatzean datza permakultura, sistema horretako zenbait elementu pertsonen beharretara egokituz. “Ekosistema elikagarriak sortzea da ideia, horretarako guneak metodologia berezi batekin, sistema natural baten moduan, antolatuz”. Diseinu lan horiek egiten ditu permakultura bulegoan Blotek, berak dioen bezala, "baratzeen marrazkiak". “Tira, marrazkia azken etapa da, horren gibelean pentsatutako gauza asko dago: zer sartzen den ekosistema horretan, elementuen artean zein lotura dagoen…”.
Bulegoko bezeroek Bloten diseinua jasotzen dute, eta horri jarraituz antolatzen dute baratzea edo espazioa. Bestalde, diseinua errealitatera eramateko proiektuak ere egiten ditu gazteak, bezeroek horrela nahi izatekotan. “Gune horretan elementu guztiak elkarri lotuak egonen dira, ez da ezer egiten beste elementuak kontuan hartu gabe”. Adibideak jarri ditu azkaindarrak, ideia errazago ulertzeko: baratzean ahateak jar daitezke, horiek bareak jaten dituztelako, edo fruta arbolak abereekin nahasi, ardiekin eta oiloekin, esaterako. Horien gorotzak lurra hobetuko du, eta oiloek, gainera, fruta arboletako fruituak jan eta gorotzetan horien haziak zabalduko dituzte… “Horrelako sinergiak sortzen dira”.
Permakulturako beste proiektuekin elkarlanean
Urruñan du bulegoa gazteak, eta permakultura zerbitzuak eskaintzeaz gain, naturopatiaren inguruko formazioa jasotzen ari da. “Arrunt lotua dago hori ere permakulturarekin. Gorputza ekosistema moduan begiratzea da kontua, desorekak berriz orekatzea”, dio. Permakulturaren bueltan Ipar Euskal Herrian martxan diren beste zenbait proiekturekin –Maïa Permaculture edo Ereinez Hazi-rekin, esaterako– ere harremanetan dago Blot, eta elkarlanaren eta saretzearen garrantzia azpimarratu du. “Ekimen asko badira Iparraldean, baina ez dago harreman handiegirik. Hori da ene ustez hurrengo etapa: proiektu horiek guztiak saretzea”.
Bide horretan, zenbait lagunekin elkartea sortu berri du Blotek, Urruña inguru horretan ekogune pedagogikoa martxan jartzeko. “Orain ere joaten naiz eskoletara animazioak egitera, baina elkarteak gunea lortzen duenean horrelako gehiago egitea da asmoa”, adierazi du.
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]