EKE-k euskal zinemari buruzko asteburu bat antolatu du Bordaleko Utopia zinema gelarekin
Aquitaine.eus mugaz gaineko lankidetza programaren baitan, Euskal kultur erakundeak euskal zinemari buruzko asteburu bat proposatzen du Bordaleko Utopia zinema gela ospetsuaren partaidetzarekin antolatua izanen dena azaroaren 4 eta 6an. Bertan, Oskar Alegriaren Zumiriki eta Koldo Almandozen Oreina filmak ikusgai izanen dira, bi zinemagileen presentzian. Euskadiko Filmategiaren zuzendaria den Joxean Fernández-ek Euskal zinema: zinemagileen hiru belaunaldi liburua aurkeztuko du ere.
2016an abiatu Aquitaine.eus mugaz gaineko lankidetza programak ipar Euskal Herriko, Euskadiko eta Nafarroako kultura eragileen mugikortasuna eta hedapena sustatzea du helburu. Lankidetza horri esker, proiektu eta lankidetza anitz sortu dira azken urteotan ikusgarrigintzan, literaturan edo arte bisualen alorretan.
Udazken honetan, euskal zinemaren aberastasuna eta dinamismoa ospatzeko, Bordaleko Utopia zinemarekin partaidetzan, Euskal kultur erakundeak bi eguneko fokusa eskaintzen du lankidetza programa horren baitan:
- Azaroaren 4a, 20:15 – Euskal zinema: zinemagileen hiru belaunaldi liburuaren aurkezpena, Euskadiko Filmategiko zuzendaria den Joxean Fernández-ekin. Ondotik, Koldo Almandoz-en Oreina filmaren proiekzioa eta topaketa egilearekin
- Azaroaren 6a, 14:30 – Oskar Alegria-ren Zumiriki filmaren proiekzioa eta topaketa egilearekin
Xehetasunak
- Harremana: Frank Suarez (EKE) - frank.suarez@eke.eus / 05 59 93 38 76
- Aquitaine.eus programa
- Asteburuari eskainia den Utopia zinemaren programaren orrialdea
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Maiatzaren 7an hasiko da zikloa, Gazaren inguruko hiru dokumental laburrekin.
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.