Ehundaka lagunen babesa jaso du Talka proiektu feministak
Ostegun goizean hutsarazi zuten Gasteizko Talka espazio feminista. “Inolako baimen judizialik gabe” egin izana salatu dute gaur arratsaldean ehundaka lagunek Gasteizko kaleetan zehar. Martxoaren 8a gertu egotea “ez da kasualitatea, Talka espazio erreferentzial bat baita emakume* guztiontzat; greba antolatu eta aliantzak sortzeko”.
aurre egingo dieten hedabide independenteak
Gasteizko kaleak aldarri feministaz bete dira, osteguneko legez kanpoko hutsaraztea salatu eta Talka proiektu feministari babesa adierazteko. Proiektuko kideek azaldu dutenez, Talkaren aurkako erasoa herri mugimenduaren eta mugimendu feminista osoaren aurkako erasoa ere bada. “Indar polizialek elite kapitalista eta enpresari handien mesedetan jardun dutela” salatu eta desalojoan izandako “jarrera oldarkor eta erasokorra” gaitzetsi dute.
Hasieratik proiektuak jasandako “eraso konstateak” ekarri dituzte gogora. Argi mozketa, Talkara sartzeko saiakerak, presentzia poliziala eta hainbat identifikazio. “Feministok pairatzen dugun infantilizazioa” salatu, eta feminismoak duen indar eraldatzailea aldarrikatu dute.
Instituzioen “aurpegi zuriketa” salatu eta “feminismoa merkantilizatu, produktu bilakatu eta duen indar iraultzailea deuseztatzen” dutela adierazi dute proiektuko kideek, mezu argia bidaliz: “Ez, Gorka Urtaran, ez dizuegu ez zuri ez PNVri txapa feminista jartzen utziko! Zuena ez da feminismoa! Feminismoa emakumeona* da: bollerona, trans*ona, migratuona, langileona, errefuxiatuona… feminismoa zapalkuntza ororen aurrean altxatzen den gorputzona da”.
Amaitzeko, “kapitala suntsitu eta gure nahi, desio, harreman, beharrak erdigunean jartzearen helburuarekin, jaio zen eta biziraungo duen proiektu integrala” defendatzen jarraituko dutela irmoki adierazi dute.
Identifikazioak manifestazioaren ondoren
Manifestazioa Talka espazioan amaitu eta gutxira, bertan geratu diren lau pertsona identifikatu ditu Ertzaintzak. Horietako bati Mozal Legea ezarri diote.
Talka espazio okupatu eta feministara heldu berri gara. Gure zai txakurrak... ez diegu merezi ez duten protagonismoa emango. DESALOJOEN AURREAN AUTODEFENTSA FEMINISTA! #talkaezukitu pic.twitter.com/9ZWaQpC8zX
— Talka (@TalkaGasteiz) 2019(e)ko otsailaren 23(a)
Gasteizen aurrekaririk ez duen proiektu feminista
Talka Gasteizen errotzen hasi zen proiektu bat izan da 2018ko abenduaren 15etik, ehundaka emakumek* Álava-Velasco Jauregiaren okupazioa publiko egin zutenetik, emakumeek* emakumeentzat* egindako proiektua izanik. Proiektuko kideek hasieratik argi izan zuten hilabeteak lantzen zeramaten proiektua egikaritzeko bertan geratuko zirela. Hiriko gainontzeko kolektibo feministen babesa jaso zuen proiektu honek.
XVII. mendean eraikitako jauregia da aipaturikoa, eta azken hamarkadetan alde batera utzitakoa. Abendura arte tapiatua egon zen, inbertsore ezezagun batzuen jabetzapean. Alabaina, Udalaren aldetik desjabetze prozesu batean zegoen azken urteetan. Gorka Urtaranen gabineteak okupazioaren jakinaren gainean jarri zuen enpresa jabea (Promociones Irene), salaketa jarri zezaten.
“Guk geuk kudeatu eta gure behar eta nahiei erantzunez”. Hau da Talkako kideek proiektuaz nahi dutena. “Espazio seguru” bat izatea azken finean, “gure beharrak kontuan ez dituen eta berdintasunez ahoa bete bitartean gure aurkako neurriak hartzen dituzten” instituzioen “geldotasunaren” aurrean.
Albiste hau Hala Bedik argitaratu du eta Creative Commons lizentziari esker ekarri dugu.
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Euskal Herriko LGTBI komunitateko hamar pertsonak armairutik nola atera ziren kontatzen dute, baita euren orientazio sexualak eta genero identitateak euren bizitzan zer-nolako eragina izan zuten ere.
Ondokoak dira protagonistak: Beñat Olea komikigilea, Aitzole Araneta... [+]
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.