EHU

EHUko asteazkeneko greba “arrakastatsua” izan da antolatzaileen esanetan

  • Bereziki ordezko irakasleen eremuan errektoretzat ezarritako murrizketak salatu dituzte. Irakasleen artean grebaren jarraipena %85ekoa izan da, sindikatuen esanetan. Urriaren 25eko sektore publikoko grebari atxikimendua adierazi diote ere.


2023ko urriaren 12an - 12:39
Azken eguneraketa: 18:06

EHUko errektoretza-taldeak irakasle eta ikertzaileen “egoera prekarioa iraultzeko” neurriak hartzea eskatu dute EHko Prekarioen Koordinadorako kideek. Bilbon, Donostian eta Gasteizen egindako mobilizazioetan LAB, CCOO, ELA eta Steilas sindikatuek lan baldintza “kaskarrak” salatu dituzte.

LOSU Espainiako Unibertsitate Sistemaren Lege Organikoa indarrean sartu zenean areagotu dira murrizketak, sindikatuen arabera: “Larritze hau bajengatiko ordezkapenen betetzean Eva Ferreira buru duen errektoretza-taldeak egindako interpretazio murriztailearen ondorioz eman da”. Salatu dute kontratazio berrietako ordezkoek gehienez ere 800 euroko soldata izan ohi dutela.

Sindikatuen arabera, parte hartzea %85aren inguruan kokatu da irakasleria osoa aintzat hartuta. Era berean, nabarmendu dute “datua are eta handiagoa” dela ordezko irakasleen kolektiboan.

Ordezkoen prekaritatea

Greba deialdia egiteko arrazoia ordezkapenak egiteko baldintzak direla azpimarratu dute. “Lan zama handitzeaz” gain, aldi baterako ikertzaileei eta ikasleei ikerketa seiurtekoak ukatzea, akordioak deuseztatzea eta burokrazia handitzea salatu dute. “Borrokan jarraituko dugu beste unibertsitate eredu baten alde, euskal jendartearen zerbitzura, eta lan baldintza duinekin”, adierazi dute. Halaber, EHUko langileei urriaren 25eko sektore publikoko grebarako deialdia egin diete sindikatuetako kideek.


Kanal honetatik interesatuko zaizu: EHU
2024-06-19 | Axier Lopez
EHUk ez du akordio berririk sinatuko CAFekin, giza eskubideak urratzen dituen Jerusalemgo tranbia utzi arte

Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]


Gerrak sortzen dituen euskal industria militar berria: Satlantis-en adibidea

Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]


EHUk osasun aseguru pribatua egiteko deskontua eskaini die beren langile publikoei aurten ere

IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]


Eguneraketa berriak daude