EHUk ez du akordio berririk sinatuko CAFekin, giza eskubideak urratzen dituen Jerusalemgo tranbia utzi arte
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko CAF enpresarekin, horrek, Jerusalemgo tren arinaren proiektua bertan behera utzi arte.
Euskal Herriko CAF multinazionala Jerusalemgo tranbiaren eraikuntza garatzen ari da nazioarteko araudiak urratuta. Palestinarrei lapurtutako lurrak dira eta CAFi esker sionisten koloniak hobeto komunikatuko eta finkatuko dira. Hori ezaguna da aspalditik eta Euskal Herrian dozenaka protesta piztu ditu proiektuak, eta nazioarteko kanpaina baten jo-puntua da. Halere, hori ez da arazoa izan EAEko unibertsitate publikoarentzat negozioaren izenean giza eskubideak urratzen dituen multinazionalarekin hainbat proiektu elkarlanean abiatzeko.
CAF eta EHUren arteko elkarlan nagusia Bilboko Ingeniaritza eskolan duten EHU-CAF unibertsitate-enpresa gela da. Hortik bideratzen dituzte gradu eta master amaierako lanak, doktore tesiak, hezkuntza-ikastaroak, mintegiak, jardunaldiak, praktikaldiak eta beste.
Gipuzkoan ez, baina Bizkaian?
Palestinan giza eskubideak errespetatzen ez dituzten eragileekin harremanak etengo zituztela erabaki zuen EHUko Gobernu kontseiluak apirilean. Baina Bilboko ingeniaritza eskolan duenaren pareko akordio bat sinatzeko asmoa agertu du EHUko Ibaetako gobernu batzordeak, Gipuzkoan ere CAF Gune bat sortzeko. Ekainaren 19an Gipuzkoako Campuseko batzordearen bileran proposamen hori lantzeko asmoa zuten hasiera batean eta horregatik, Gipuzkoako BDZ mugimenduak eta EHU Palestina taldeak deituta, hainbat lagun elkartu da egoitzaren aurrean "EHU: CAFekin akordiorik ez! Israeli Boikota" lelopean.
Azkenean ez dute proposamena bileran landu, baina elkarretaratzea amaituta, Ibaetako errektoreorde Agustin Erkizia Olaizolak adierazi die EHUk ez duela akordio berririk sinatuko CAF enpresarekin, horrek, Jerusalemgo tren arinaren proiektuan jarraitzen duen bitartean. BDZ taldeko kideek albiste baikorra dela azpimarratu dute, eta Gipuzkoako Errektoreordetzaren "erabakia txalotu" eta EHUko Errektoretzari exijitu diote Bilboko Ingeniaritza Eskolan duen ituna bertan behera uzteko, baita AXA zein HP enpresekin dituzten harremanak eteteko.
Gutxitan hartzen duen itxura izan du asteazken goiz-eguerdi honetan Donostiako Boulevardak. 20.000 lagun baino gehiagok egin dute bat urriaren 15erako eragile ugarik antolatutako deialdiekin. Denek, ñabardurak izan arren, batera adierazi diote elkartasuna Palestinari... [+]
Palestinaren askapena eta Israeli boikot egitea babestu dituzte, eta patronalari eta erakundeei horretan eragiteko deia zabaldu diete.
Sindikatuek egindako lehen balorazioaren arabera, industriako enpresa handi askotako langileek bat egin dute lanuztearekin, zenbait kasutan jarraipena "erabatekoa" izan da gainera. Aldiz, beste sektoreetan, komertzioan eta enpresa txikietan kasu, eragina ez da... [+]
Palestinaren aldeko lanuzteek enpresetan jarraipen zabala izatea aurreikusten zuten sindikatuek, eta hala izaten ari da. Gainera, mobilizazioak lantokietan bertan hasi dira, hiriburuetan egingo diren manifestazio handien atariko.
Urriaren 15ean palestinar herriaren aurkako genozidioa salatzeko geldialdia egingo dugu, indartsu. Itxiko ditugu enpresak, elkarteak, egoitza publiko zein pribatuak, industrialdeak. Zaharren egoitzak edo ospitaleak ez, zerbitzu minimoak %100ean jarri dituztelako, zerbitzu... [+]
Elbit Systems enpresa Israelgo arma fabrika handiena eta armadaren hornitzaile handienetakoa da. Mecanocauchoren erabakia “elkartasun internazionalistaren garaipena” dela iritzi dio BDZk.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Bartzelonako garraio konpainiak klausula bat dauka, betoa jartzen diena NBEko Giza Eskubideen erakundeko zerrendetan dauden enpresei. CAF zerrenda horretan dago, Jerusalemgo trenbideko lanengatik. 39 tren eta 321 milioi euroko kontratua legoke jokoan.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
Milaka herritar atera dira kalera Euskal Herriko herri askotan Global Sumud Flotillako partaideen bahiketa salatzeko eta agintariei eta gobernuei Israelekin harreman guztiak apur ditzaten eskatzeko. Munduan barrena ere ehunka mila pertsona atera dira protestetara.
Nazio Batuen Erakundeak Israelgo legez kanpoko kokalekuetan negozioak egiten dituzten enpresen zerrenda berritu du. 68 lantokiren izenak gehitu ditu, eta tartean dago CAF. Beasaingo enpresak egun bat lehenago argitaratutako agirian zioen Jerusalemgo tranbiak “giza... [+]
Nazioarteko ontzidiak larrialdiko prentsaurrekoa deitu du asteazken goizean, “arrisku eremuan” sartu berritan. Itsasontzietan dauden kideek “intimidazioa” eta “gerra psikologikoa” salatu dituzte Israelen eskutik. Albanese NBEko errelatore... [+]