Gobernu kideen artean "desadostasun handi bat" da euskararen dekretu berriak eremu ez-euskaldunean euskara meritu gisa ez hartzea. Hala aitortu du Eduardo Santos migrazio politika eta justizia kontseilariak gaur, Guardasola saioan. Baina bat jarri dio, dena den, haren iritziari.
Eremu ez-euskaldunean euskara baztertzea eta beste atzerriko hizkuntza zenbait gainetik jartzearekin ez dago ados alderdi morea, ez eta hizkuntzaren arabera herrialdea zatitzearekin. Hala ere, bataila horretan ez sartzea erabaki du Ahal Duguk, argudiatuz euskaldunak gutxiengoan direla gobernuan eta parlamentuan. Ezaugarri horrek baldintzatu du Santosen ustez, koalizio gobernua igaro den legegintzaldi erdian. PSNren politiketan Ahal Duguk eragina duela zehaztu du, baina ez nahiko luketen beste.
Ahal Duguko idazkari ohia da Eduardo Santos, Nafarroan. Apirilean Begoña Alfaro abokatu eta ekintzaileak aise irabazi zituen hauteskunde primarioak, eta alderdiko burua da, Eduardo Santosi lekukoa hartuta. Haren ildoa hartuko du orain alderdia, baina Santosek begi onez hartu du aldaketa.
Ez da azkenaldian alderdi morean izandako aldaketa bakarra. Pablo Iglesias ordezkatzeko batzarrean, Ione Belarra nafarra aukeratu zuten idazkari nagusi gisa. Kritikoago agertu da, baina, Santos azken honekin: hausnarketa egiteko momentua dela uste du eta azkarregi egin da haren aburuz batzarra. Dena den, Belarrak lan gogorra du aurrez aurre eta hoberena opa diola zehaztu du Santosek.
Elkarrizketa entzun nahi izatekotan, sakatu beheko irudian.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.
Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.
Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]