EAJ ez da joango presoen eskubideen aldeko urtarrileko manifestaziora
Bere jarrera argi utzi du EAJk. Bat-bateko aldaketarik eman ezean, ez da Sarek antolatutako presoen aldeko manifestaziora joango urtarrilaren 10ean. Iazko manifestazioan egon bazen, egoera “ezohikoa” zelako izan zela esan du alderdi jeltzaleak.
“Tradizionalki ez gara joan manifestazio horretara, eta gainontzeko manifestazioetara ere ez dugu ordezkaririk bidaltzen”. Hala adierazi diote alderdiko iturriek Deiari.
Beste espetxe-politika bat behar dela uste badute ere, urtarrileko aldarrikapena ez zaie “mesedegarriena” iruditzen jeltzaleei, “gai bakar bat nabarmentzen delako bertan”.
2014ko urtarrilaren 11an 130.000 pertsona batu ziren Bilboko kaleetan, Gararen arabera. “Alderdiak ere joatea erabaki zuen, baina presoen eskubideetatik haratago zihoan ordukoa. Bake-prozesua eta normalizazio politikoa zeuden jokoan”, adierazi du EAJk.
Ikusi bideoa: "Herritarren adierazpenak konponbidearen aldeko Bilboko manifestazioan"
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]